రక్షణ మంత్రి రాజ్నాథ్ సింగ్, సర్ క్రీక్ ప్రాంతంలో పాకిస్తాన్ సైనిక మోహరింపుపై తీవ్రంగా స్పందించారు. భుజ్ సమీపంలోని సైనిక స్థావరంలో సైనికులతో దసరా వేడుకల్లో పాల్గొన్న ఆయన, పాకిస్తాన్ దుస్సాహసానికి పాల్పడితే చరిత్ర, భౌగోళిక స్థితిని మార్చే ఘోరమైన ప్రతిస్పందన ఉంటుందని హెచ్చరించారు. 78 ఏళ్లుగా సర్ క్రీక్ వద్ద సరిహద్దు వివాదం కొనసాగుతోందని, చర్చల ద్వారా పరిష్కారానికి భారత్ ప్రయత్నించినా, పాకిస్తాన్ ఉద్దేశాలు స్పష్టంగా లేవని ఆయన అన్నారు.
