- జమ్ముకశ్మీర్లో ఘోర ప్రమాదం
- లోయలో పడిన ఆర్మీ వాహనం
- నలుగురు సైనికులు మృతి
శ్రీనగర్, మహా : జమ్మూ కాశ్మీర్లోని దోడా జిల్లాలో జరిగిన ఘోర రోడ్డు ప్రమాదంలో పది మంది ఆర్మీ సిబ్బంది మరణించగా, మరో ఏడుగురు గాయపడ్డారు. భదేర్వా ప్రాంతంలో వారి వాహనం 200 అడుగుల లోతైన లోయలో పడిపోవడంతో ఈ దుర్ఘటన జరిగింది. అధికారులు తెలిపిన వివరాల ప్రకారం, బుల్లెట్ప్రూఫ్ ఆర్మీ వాహనంలో 17 మంది సిబ్బందిని ఎత్తైన ప్రాంతంలోని పోస్టుకు తరలిస్తుండగా, ఒక నిటారుగా ఉన్న రోడ్డు మార్గంలో డ్రైవర్ నియంత్రణ కోల్పోవడంతో వాహనం కొండపై నుంచి జారిపడింది.
ఈ ఘటన భదేర్వా–చంబా అంతర్రాష్ట్ర రహదారి వెంబడి ఖన్నీ టాప్ వద్ద జరిగింది. ప్రమాదం జరిగిన వెంటనే ఆర్మీ, పోలీసులు సంయుక్తంగా సహాయక చర్యలు చేపట్టారు. నలుగురు సైనికులను ఘటనా స్థలంలోనే మరణించినట్లు ప్రకటించగా, మరో తొమ్మిది మందిని గాయాలతో బయటకు తీశారు. తీవ్రంగా గాయపడిన ముగ్గురు సిబ్బందిని మెరుగైన వైద్యం కోసం ఉధంపూర్ మిలిటరీ ఆసుపత్రికి హెలికాప్టర్లో తరలించినట్లు అధికారులు తెలిపారు.
తొమ్మిది నెలల క్రితం, 600 అడుగుల లోయలో పడిన ఆర్మీ వాహనం
గతంలో, గత ఏడాది మే 4 న జమ్మకశ్మీర్లోని రాంబన్ జిల్లాలోని బ్యాటరీ చష్మా ప్రాంతంలో ఒక ఆర్మీ వాహనం 600 అడుగుల లోతైన లోయలో పడిపోయింది. ఈ ప్రమాదంలో ముగ్గురు సైనికులు అమిత్ కుమార్, సుజిత్ కుమార్, మన్ బహదూర్ ప్రాణాలు కోల్పోయారు. జమ్మూ నుంచి శ్రీనగర్కు వెళ్తున్న కాన్వాయ్లో ఈ వాహనం ఉంది. ఉదయం 11:30 గంటల ప్రాంతంలో జాతీయ రహదారి-44పై డ్రైవర్ నియంత్రణ కోల్పోవడంతో వాహనం కొండపై నుంచి కిందకు పడిపోయింది. ఆర్మీ, పోలీసులు, ఎస్డిఆర్ఎఫ్ బృందాలు స్థానిక యంత్రాంగం సహాయక చర్యలు చేపట్టాయి.
పూంచ్లో 350 అడుగుల లోయలో పడిన మరో ఆర్మీ వ్యాన్
డిసెంబర్ 24, 2025న పూంచ్ జిల్లాలో మరో ఆర్మీ వ్యాన్ 350 అడుగుల లోతైన లోయలో పడిపోయింది. ఆ వ్యాన్లో 18 మంది సైనికులు ప్రయాణిస్తుండగా, వారిలో ఐదుగురు ఈ ఘటనలో మరణించారు. సిబ్బంది అందరూ 11 మరాఠా రెజిమెంట్కు చెందినవారు. ఆర్మీ తెలిపిన వివరాల ప్రకారం, కాన్వాయ్లోని ఆరు వాహనాలు పూంచ్ సమీపంలోని ఒక ఆపరేషనల్ ట్రాక్ గుండా బనోయ్ ప్రాంతం వైపు వెళ్తుండగా, డ్రైవర్లలో ఒకరు నియంత్రణ కోల్పోవడంతో వ్యాన్ ఇరుకైన మార్గం నుంచి జారి లోయలో పడిపోయింది.
