హైదరాబాద్లో రాష్ట్ర ఐటీ, ఎలక్ట్రానిక్స్, పరిశ్రమలు మరియు శాసన వ్యవహారాల శాఖ మంత్రి శ్రీ దుద్దిళ్ల శ్రీధర్ బాబు గారిని విశాఖ శ్రీ శారదా పీఠం ఉత్తర పీఠాధిపతులు శ్రీశ్రీశ్రీ స్వాత్మానందేంద్ర సరస్వతి స్వామివారు మర్యాదపూర్వకంగా కలిశారు. ఈ సందర్భంగా కోకాపేటలోని విశాఖ శ్రీ శారదా పీఠంలో జరగబోయే ఉగాది ఆస్థానం కార్యక్రమానికి అలాగే శ్రీరామనవమి ఉత్సవాలకు విచ్చేయాల్సిందిగా స్వామివారు మంత్రి శ్రీధర్ బాబును ఆహ్వానించారు.
ఈ సందర్భంగా శారదా పీఠానికి సంబంధించిన ఒక సమస్యను ముఖ్యమంత్రి శ్రీ రేవంత్ రెడ్డి గారి దృష్టికి తీసుకెళ్లి వెంటనే పరిష్కారం కల్పించినందుకు స్వామివారు ముఖ్యమంత్రికి అభినందనలు తెలిపారు. ఆ సమస్యను ముఖ్యమంత్రి దృష్టికి తీసుకెళ్లేందుకు చొరవ చూపిన మంత్రి శ్రీధర్ బాబు గారికి కూడా స్వామివారు ప్రత్యేకంగా కృతజ్ఞతలు తెలిపారు.
అనంతరం ఉత్తర పీఠాధిపతులు, అమ్మవారి ఆశీస్సులు ఎల్లప్పుడూ ఉండాలని ఆశీర్వదిస్తూ, మంత్రికి ప్రసాదాలు అందజేశారు.
ఈ కార్యక్రమంలో రాష్ట్ర మంత్రి శ్రీ అడ్లూరి లక్ష్మణ్ కుమార్ గారు కూడా పాల్గొన్నారు
