ఏపీలో టీడీపీ మానసపుత్రిక అన్న క్యాంటీన్లకు మంచి ఆదరణ లభిస్తోంది. గతంలో అధికారంలో ఉన్నప్పుడు టీడీపీ ప్రభుత్వం ప్రారంభించిన అన్న క్యాంటీన్లను మధ్యలో వైసీపీ సర్కార్ మూసేసినా, ఆ తర్వాత తిరిగి కూటమి అధికారంలోకి రాగానే వాటిని పునఃప్రారంభించింది.
ఏపీలో కూటమి ప్రభుత్వం అధికారంలోకి వచ్చాక ఇప్పటివరకూ మొత్తం 199 అన్న క్యాంటీన్లను ప్రారంభించింది. మరికొన్ని క్యాంటీన్లు నిర్మాణ దశలో ఉన్నాయి. వీటిని కూడా త్వరలో ప్రారంభిస్తారు. అయితే ఇవన్నీ పట్ఠణ ప్రాంతాల్లోనే ఉన్నాయి. కానీ గ్రామీణ ప్రాంతాల్లో సైతం అన్న క్యాంటీన్ల ఏర్పాటు కోసం డిమాండ్లు పెరుగుతున్నాయి. ఈ మేరకు ప్రజా ప్రతినిధుల నుంచి వస్తున్న విజ్ఞప్తుల మేరకు ప్రభుత్వం గ్రామాల్లోనూ క్యాంటీన్లను ప్రారంభించాలని నిర్ణయించింది. ఈ మేరకు ఆర్ధిక శాఖ కూడా క్లియరెన్స్ ఇచ్చింది.
