- అంతర్జాతీయ ఆటకు క్రిస్టియానో రొనాల్డో గుడ్‌బై!
హైదరాబాద్, మహా.
పోర్చుగల్ ఫుట్బాల్ దిగ్గజం క్రిస్టియానో రొనాల్డో అంతర్జాతీయ ఫుట్‌బాల్‌కు రిటైర్మెంట్ ప్రకటించాడు. 23 ఏళ్ల తన సుదీర్ఘ ప్రయాణానికి ముగింపు పలుకుతూ సోషల్ మీడియాలో ఓ ఎమోషనల్ వీడియో ద్వారా అభిమానులతో ఈ విషయాన్ని పంచుకున్నాడు. నవంబర్‌లో జరిగే ఇంటర్నేషనల్ మ్యాచ్‌ల తర్వాత పోర్చుగల్ జాతీయ జట్టు నుంచి తప్పుకోబోతున్నట్లు క్లారిటీ ఇచ్చాడు.
41 ఏళ్ల రొనాల్డో తన జాతీయ జట్టు తరఫున ఏకంగా 234 మ్యాచ్‌లు ఆడి 146 గోల్స్ సాధించాడు. పురుషుల అంతర్జాతీయ ఫుట్బాల్ చరిత్రలో అత్యధిక మ్యాచ్‌లు ఆడిన ప్లేయర్‌గా, అత్యధిక గోల్స్ కొట్టిన మొనగాడిగా వరల్డ్ రికార్డులు అన్నీ తన ఖాతాలోనే వేసుకున్నాడు. దేశం కోసం ఆడటం గౌరవంతో పాటు బాధ్యత అని చెబుతూ, తన ఐకానిక్ ‘నెంబర్ 7’ జెర్సీని నెక్స్ట్ జనరేషన్‌కు అప్పగించే టైమ్ వచ్చిందంటూ ఎమోషనల్ అయ్యాడు.
కోచ్‌తో గొడవల వల్లే ఈ నిర్ణయమా?
రొనాల్డో రిటైర్మెంట్ నిర్ణయం వెనుక హెడ్ కోచ్ జార్జ్ జీసస్‌తో జరిగిన వివాదమే కారణమని తెలుస్తోంది. సెప్టెంబర్‌లో నార్వేతో జరిగిన మ్యాచ్‌లో కోచ్ రొనాల్డోను గ్రౌండ్‌లోకి దించకుండా కేవలం సబ్‌స్టిట్యూట్‌గానే బెంచ్‌కే పరిమితం చేశాడు. అవకాశం ఇస్తానని చెప్పి మాట తప్పాడని ఫీల్ అయిన రొనాల్డో.. ఆ తర్వాతి డెన్మార్క్ మ్యాచ్‌కు ముందే క్యాంప్ నుంచి అలిగి వెళ్లిపోయాడు. దీనిపై అక్టోబర్‌లో క్షమాపణలు చెప్పినప్పటికీ, ఫైనల్‌గా ఇప్పుడు జాతీయ జట్టుకే గుడ్‌బై చెప్పేశాడు.
పోర్చుగల్‌కు మరువలేని విజయాలు.
రొనాల్డో కెప్టెన్సీలో పోర్చుగల్ జట్టు సాధించిన విజయాలు అన్నీ ఇన్నీ కావు. 2016లో ఆ దేశానికి తొలిసారి యూరో కప్ అందించాడు. ఆ తర్వాత 2019, 2025లలో నేషన్స్ లీగ్ ట్రోఫీలు కూడా అందించాడు. ఏకంగా ఆరు వరల్డ్ కప్‌లు ఆడి, ఆరింటిలోనూ గోల్స్ కొట్టిన ఏకైక ప్లేయర్‌గా చరిత్ర సృష్టించాడు. దేశం కోసం ఆడుతూ గోల్స్ కొట్టినప్పుడు ఫ్యాన్స్ కళ్లలో కనిపించే ఆనందమే తనకు నిజమైన సార్థకత అని రొనాల్డో అన్నాడు.
