ముందే పసిగట్టిన ప్రజా నాడి….* ‘దళపతి’ ప్రభంజనాన్ని ఆవిష్కరించిన ఏఎన్ఎన్ డిజిటల్ సర్వే.

ముందే పసిగట్టిన ప్రజా నాడి.
* ‘ఏఎన్ఎన్’ సర్వే సంచలనం.
* 52 శాతం మంది మొగ్గు విజయ్ వైపే.
* ద్రవిడ కోటల పతనాన్ని ఆరు రోజుల ముందే పసిగట్టిన సర్వే.
* సోషల్ మీడియా పోల్‌తో పొలిటికల్ సెన్సేషన్.
* విజయ్ ముఖ్యమంత్రి కావాలన్న అత్యధిక శాతం ప్రజలు
* జ్యోతిష్యం కాదు.. ప్రజాభిప్రాయం!
* ‘దళపతి’ ప్రభంజనాన్ని ఆవిష్కరించిన ఏఎన్ఎన్ డిజిటల్ సర్వే.

హైదరాబాద్, మహా.

తమిళనాడు రాజకీయ ముఖచిత్రం ఏ విధంగా మారబోతోందో ఆరు రోజుల క్రితమే ‘ఏఎన్ఎన్ తెలుగు’ నిర్వహించిన ఒక డిజిటల్ సర్వే కళ్లకు కట్టినట్లు చూపించింది. ఎన్నికల ఫలితాలపై సర్వత్రా ఉత్కంఠ నెలకొన్న తరుణంలో, ఛానల్ నిర్వహించిన పోల్‌లో ప్రజలు తమ అభిప్రాయాన్ని కుండబద్దలు కొట్టారు. మే 4 న వెలువడిన ఫలితాలు, ఆనాడు ఏఎన్ఎన్ ఛానల్ నిర్వహించిన సర్వే అంచనాలకు ఏమాత్రం తీసిపోకుండా ఉండటం గమనార్హం. దళపతి విజయ్ రాజకీయ అరంగేట్రం కేవలం ఒక అల కాదని, అది ద్రవిడ రాజకీయాలను ముంచెత్తబోతున్న సునామీ అని ఈ సర్వే ముందే హెచ్చరించింది.

**విజయ్ వైపే 52 శాతం మొగ్గు.. తిరుగులేని ఆధిక్యం**

“తమిళనాడు సీఎం ఎవరు అవుతారు..?” అంటూ ఏఎన్ఎన్ ఛానల్ వేసిన ప్రశ్నకు ప్రజల నుంచి అనూహ్య స్పందన లభించింది. ఏకంగా 52 శాతం మంది తమ ఓటు దళపతి విజయ్‌కేనని స్పష్టం చేశారు. అంటే సగానికి పైగా ప్రజలు విజయ్ నాయకత్వాన్ని బలంగా కోరుకుంటున్నారని ఈ ఫలితం వెల్లడించింది. ఇన్నాళ్లూ కేవలం సినిమా గ్లామర్ అనుకున్న విశ్లేషకులకు, ఈ సర్వే ఫలితం ఒక కనువిప్పులా మారింది. విజయ్ పట్ల ఉన్న ఈ తిరుగులేని ఆదరణే నేడు ఆయనను సింగిల్ లార్జెస్ట్ పార్టీ అధినేతగా నిలబెట్టిందని రాజకీయ పండితులు విశ్లేషిస్తున్నారు.

**కుదేలైన స్టాలిన్ గ్రాఫ్.. తగ్గిన అన్నాడీఎంకే ప్రభావం**

ప్రస్తుత ముఖ్యమంత్రి స్టాలిన్ పట్ల ప్రజల్లో ఉన్న వ్యతిరేకతను కూడా ఈ సర్వే స్పష్టంగా ఎండగట్టింది. స్టాలిన్ ముఖ్యమంత్రిగా తిరిగి రావాలని కేవలం 38 శాతం మంది మాత్రమే కోరుకున్నారు. అధికార పార్టీ పట్ల ప్రజల్లో గూడుకట్టుకున్న అసంతృప్తికి ఇది అద్దం పట్టింది. మరోవైపు, అన్నాడీఎంకే అధినేత పళనిస్వామి కేవలం 9 శాతం ఓట్లతో మూడో స్థానానికి పరిమితం కావడం విశేషం. దశాబ్దాలుగా రాష్ట్రాన్ని ఏలిన రెండు ప్రధాన పార్టీల కంటే విజయ్ పట్ల ప్రజలు ఎందుకు ఆకర్షితులయ్యారో ఏఎన్ఎన్ సర్వే ఆరోజే విశ్లేషించింది.

**లక్ష మంది ఓటర్ల సాక్షిగా.. ఖచ్చితమైన విశ్లేషణ**

సాధారణంగా ఏదైనా సర్వేలో కొన్ని వేల మంది పాల్గొనడమే కష్టమైన పని. కానీ ఏఎన్ఎన్ నిర్వహించిన ఈ పోల్‌లో ఏకంగా ఒక లక్షా ఏడు వేల మంది (107K) పాల్గొనడం అందరినీ విస్మయానికి గురిచేసింది. ఇంత భారీ స్థాయిలో ప్రజలు ఒక సర్వేలో భాగస్వాములు కావడం అంటే, అది రాష్ట్రంలో నెలకొన్న మార్పు కాంక్షకు నిదర్శనం. లక్ష మంది ప్రజల అభిప్రాయం ఎప్పుడూ తప్పు కాదని, వారి నాడిని పసిగట్టడంలో ఏఎన్ఎన్ ఛానల్ అత్యంత విజయవంతమైందని నేడు రుజువైంది. ప్రజల ఆలోచనా దృక్పథం ముందే పసిగట్టి, విజయ్ ముఖ్యమంత్రి కావడానికి ఉన్న అవకాశాలను ఈ ఛానల్ ముందే విశ్లేషించింది.

**మార్పు కోరుతున్న యువత, మహిళా ఓటర్లు**

విజయ్ కు లభించిన ఈ 52 శాతం ఓట్ల వెనుక ఒక బలమైన కారణం ఉంది. ప్రధానంగా యువత మరియు మహిళా ఓటర్లు ద్రవిడ పార్టీల అవినీతి, పాతకాలపు రాజకీయాలకు స్వస్తి పలకాలని నిర్ణయించుకున్నారు. తమకు ఒక నూతన నాయకత్వం కావాలని, అది విజయ్ రూపంలో సాధ్యమవుతుందని వారు నమ్ముతున్నారు. ఏఎన్ఎన్ సర్వేలో వెల్లడైన ఈ గణాంకాలు.. కేవలం అంకెలు మాత్రమే కాదని, అవి తమిళనాడు భవిష్యత్తు కోసం ప్రజలు చేస్తున్న నిశ్శబ్ద పోరాటమని ఆనాడే స్పష్టమైంది.

**ముందే ఊహించిన ‘విజయ’దుందుభి**

ఏఎన్ఎన్ ఛానల్ ఆరు రోజుల ముందే విజయ్ విజయాన్ని ముందే ఊహించి, దాన్ని డిజిటల్ ప్లాట్‌ఫామ్ ద్వారా ప్రజలకు చేరవేసింది. ఎవరూ ఊహించని విధంగా విజయ్ పట్ల 52 శాతం మంది సానుకూలత వ్యక్తం చేయడం అనేది తమిళ రాజకీయాల్లో ఒక మైలురాయి. నేడు విజయ్ పార్టీ టీవీకే 108 స్థానాల్లో గెలుపొంది, ప్రభుత్వ ఏర్పాటుకు సిద్ధమవ్వడం వెనుక ఈ సర్వేలో కనిపించిన ప్రజాభిప్రాయమే కీలక భూమిక పోషించింది. మీడియా రంగంలో ఏఎన్ఎన్ ఛానల్ నిర్వహించిన ఈ సర్వే ఒక మైలురాయిగా మిగిలిపోనుంది.