వరంగల్ తూర్పులో ఘనంగా పీర్ల పండుగ మత సామరస్యానికి ప్రతీక మొహరం మంత్రి కొండా సురేఖ ..!

వరంగల్ తూర్పు నియోజకవర్గం ఎల్బీనగర్ మోమిన్ పురా లో మొహరం వేడుకలు కాంగ్రెస్ పార్టీ మైనారిటీ నాయకులు సయ్యద్ వసీం, ముస్లిం మత పెద్దల ఆధ్వర్యంలో ఘనంగా నిర్వహించారు. ఈ సందర్భంగా పీరీల వద్ద ప్రార్థనలో మంత్రి కొండా సురేఖ, నగర మేయర్ గుండు సుధారాణి పాల్గొన్నారు. ఈ సందర్భంగా మంత్రి కొండా సురేఖ మాట్లాడుతూ
ముస్లిం క్యాలెండర్ ప్రకారం ఈ మొహరం నెల ముస్లింలకు నూతన సంవత్సరం మొదలవుతుందని
ఈ పండుగ గొప్ప చరిత్రకు నిదర్శనమని అన్నారు.
మహమ్మద్ ప్రవక్త మనవళ్లు అయన హాసన్,
ఇమామ్ హుస్సేన్ ధర్మం కోసం న్యాయం కోసం విముక్తి కోసం జరిగే పోరాటంలో తన ప్రాణాలను విడిచారని గుర్తు చేశారు.
ఈ సందర్భంగా ముస్లిం మతస్తులు మొహారం మాసంలో దుఃఖాన్ని బాధను స్మరించుకుంటారని ముఖ్యంగా
ఈ మాసంలో ముస్లింలందరూ 7,8,9,10, తేదీ లలో ఇమామ్ హుసైన్ మరణాన్ని స్మరించుకుంటూ బాధలో ఉపవాసం కూడా ఉంటారని తెలిపారు.
వరంగల్ తూర్పు లో ముస్లింలు ఎక్కువ శాతం ఉన్నారని కాబట్టే ఈ పండుగ ఇక్కడ ఘనంగా నిర్వహించడం జరుగుతుందని
మొహరం పండుగ సందర్భంగా పీరీలను తిలకించడానికి కుల మతాలకు అతీతంగా అన్ని మతాల వారు కలిసి ప్రార్థనలు చేయడం ఎంతో అభినందనీయం అన్నారు.