నాసిక్ టీసీఎస్ కేసులో ఉగ్ర కోణం.
* రంగంలోకి ఎన్ఐఏ.
* పరారీలో ఉన్న నిదా ఖాన్ కోసం ముమ్మర గాలింపు.
* బట్టబయలైన అంతర్జాతీయ ఉగ్ర నెట్వర్క్.
నాసిక్,మహా.
మహారాష్ట్రలోని నాసిక్లో కలకలం రేపిన టీసీఎస్ జిహాద్ కేసు ఇప్పుడు దేశవ్యాప్తంగా సంచలనంగా మారింది. ఈ కేసులో ఉగ్రవాద కార్యకలాపాలకు సంబంధించిన ఆధారాలు లభించడంతో జాతీయ దర్యాప్తు సంస్థ అధికారికంగా విచారణను చేపట్టింది. తొలుత సాధారణ మత మార్పిడిలు, యువతను ప్రభావితం చేసే ఉదంతంగా భావించినప్పటికీ, లోతైన దర్యాప్తులో విస్తుపోయే నిజాలు వెలుగులోకి వస్తున్నాయి. ఈ కుట్ర వెనుక భారీ ఉగ్రవాద నెట్వర్క్ ఉన్నట్లు అనుమానిస్తున్న ఎన్ఐఏ, స్థానిక పోలీసులతో కలిసి దర్యాప్తును ముమ్మరం చేసింది. ముఖ్యంగా డిజిటల్ సాక్ష్యాధారాలు , నిందితుల మధ్య జరిగిన రహస్య సంభాషణలు దేశ భద్రతకు ముప్పు కలిగించేలా ఉన్నాయని నిఘా వర్గాలు నిర్ధారించాయి.
ఈ కేసులో ప్రధాన నిందితురాలిగా భావిస్తున్న నిదా ఖాన్ ప్రస్తుతం పరారీలో ఉండటం ఉత్కంఠ రేపుతోంది. ఆమె కోసం మహారాష్ట్ర పోలీసులు రాష్ట్రవ్యాప్తంగా భారీ సర్చ్ ఆపరేషన్ నిర్వహిస్తున్నారు. నిదా ఖాన్కు గతంలో దిల్లీలో జరిగిన బాంబు పేలుళ్ల నిందితులతో ప్రత్యక్ష సంబంధాలు ఉన్నట్లు ప్రాథమిక విచారణలో తేలింది. ఆమె నివాసంలో జరిపిన సోదాల్లో కీలక పత్రాలు, నిషేధిత సామాగ్రిని పోలీసులు స్వాధీనం చేసుకున్నారు. దేశంలోని కీలక నగరాల్లో విధ్వంసానికి ఈ ముఠా ప్రణాళికలు రచిస్తోందన్న సమాచారంతో నిఘా వర్గాలు అప్రమత్తమయ్యాయి. నిదా ఖాన్ ఎక్కడ తలదాచుకున్నారనే దానిపై ఇప్పటికే పలు ప్రాంతాల్లో దాడులు కొనసాగుతున్నాయి.
మరోవైపు, ఈ కేసులో డాక్టర్ షహీన్ పాత్రపై కూడా అధికారులు ఆరోపణలు గుప్పిస్తున్నారు. నిదా ఖాన్ మరియు డాక్టర్ షహీన్ మధ్య జరిగిన లావాదేవీలు, రహస్య భేటీలు ఉగ్రవాద కోణాన్ని బలపరుస్తున్నాయి. అమాయక యువతను మతం పేరుతో రెచ్చగొట్టి, వారిని దేశ వ్యతిరేక కార్యకలాపాల వైపు మళ్లించడంలో వీరిద్దరూ కీలక సూత్రధారులుగా వ్యవహరించినట్లు పోలీసులు భావిస్తున్నారు. విదేశీ శక్తుల నుంచి వీరికి అందుతున్న ఆర్థిక సహకారంపై కూడా ఎన్ఐఏ ఆరా తీస్తోంది. విచారణలో మరిన్ని కీలక విషయాలు బయటకు వచ్చే అవకాశం ఉండటంతో, నాసిక్ వ్యాప్తంగా భద్రతను కట్టుదిట్టం చేశారు.
