• మాజీ మంత్రి జె. కృష్ణ పలేమార్తో డాక్టర్ పొంగులేటి సుధాకర్ రెడ్డి భేటీ.
హైదరాబాద్, మహా.
భారతీయ జనతా పార్టీ జాతీయ నాయకులు, కర్ణాటక–తమిళనాడు రాష్ట్రాల కో ఇన్చార్జి, మాజీ ఎమ్మెల్సీ డాక్టర్ పొంగులేటి సుధాకర్ రెడ్డి కర్ణాటక మాజీ మంత్రి జె. కృష్ణ పలేమార్ను మంగళూరులోని ఆయన నివాసంలో మర్యాదపూర్వకంగా కలిసి ఘనంగా సన్మానించారు. అనంతరం పార్టీ సంస్థాగత బలోపేతం, ప్రధానమంత్రి నరేంద్ర మోదీ నాయకత్వంలోని కేంద్ర ప్రభుత్వ సుపరిపాలన, అభివృద్ధి కార్యక్రమాలు, దక్షిణ కన్నడ జిల్లా సమగ్రాభివృద్ధిపై సుదీర్ఘంగా చర్చించారు.
అనంతరం జరిగిన సమీక్ష సమావేశంలో ప్రధానమంత్రి నరేంద్ర మోదీ నాయకత్వంలో బీజేపీ నేతృత్వంలోని జాతీయ ప్రజాస్వామ్య కూటమి ప్రభుత్వం గత పన్నెండు సంవత్సరాలుగా దేశవ్యాప్తంగా అమలు చేస్తున్న సుపరిపాలన, సంక్షేమం, మౌలిక వసతుల కల్పన, ఆర్థికాభివృద్ధి కార్యక్రమాలపై విస్తృతంగా చర్చించారు. కేంద్ర ప్రభుత్వం అమలు చేస్తున్న వివిధ పథకాల పురోగతిని సమీక్షించడంతో పాటు వాటి ద్వారా ప్రజలకు అందుతున్న ప్రయోజనాలపై నాయకులు అభిప్రాయాలు వ్యక్తం చేశారు.
దక్షిణ కన్నడ జిల్లాలో కేంద్ర ప్రాయోజిత పథకాల అమలును మరింత సమర్థవంతంగా కొనసాగించేందుకు చేపట్టాల్సిన చర్యలపై సమావేశంలో ప్రత్యేకంగా చర్చించారు. జిల్లాలో అభివృద్ధి ప్రాజెక్టులను వేగవంతం చేయడం, ప్రజలకు మెరుగైన మౌలిక వసతులు కల్పించడం, ప్రభుత్వ సంక్షేమ కార్యక్రమాల ఫలాలు చివరి వ్యక్తికి చేరేలా పార్టీ శ్రేణులు మరింత చురుకుగా పనిచేయాలని నిర్ణయించారు.
పార్టీ సంస్థాగత నిర్మాణాన్ని గ్రామస్థాయి నుంచి మరింత పటిష్ఠం చేయడం, ప్రజలతో ప్రత్యక్ష సంబంధాలను విస్తరించడం, కేంద్ర ప్రభుత్వ విజయాలను విస్తృతంగా ప్రజల్లోకి తీసుకెళ్లడం, సేవా కార్యక్రమాలను మరింత విస్తరించడం వంటి అంశాలపై కూడా నాయకులు సుదీర్ఘంగా చర్చించారు. రానున్న రోజుల్లో ప్రజలకు మరింత చేరువగా ఉండే కార్యక్రమాలను నిర్వహిస్తూ పార్టీని మరింత బలోపేతం చేసే దిశగా సమిష్టిగా కృషి చేయాలని సమావేశంలో నిర్ణయించారు.
సమావేశం అనంతరం నాయకులు పరస్పరం శుభాకాంక్షలు తెలుపుకొని, కేంద్ర ప్రభుత్వ అభివృద్ధి, సంక్షేమ కార్యక్రమాల అమలులో ప్రజల భాగస్వామ్యాన్ని పెంచేందుకు క్షేత్రస్థాయిలో విస్తృత ప్రజా చైతన్య కార్యక్రమాలు నిర్వహించాలని సంకల్పం వ్యక్తం చేశారు. ఈ భేటీ దక్షిణ కన్నడ జిల్లాలో పార్టీ కార్యకలాపాలకు మరింత ఊతమివ్వడంతో పాటు ప్రజలకు కేంద్ర ప్రభుత్వ అభివృద్ధి ఫలాలను చేరవేసే దిశగా కీలకంగా నిలుస్తుందని పార్టీ నాయకులు పేర్కొన్నారు.మంగళూరులో జరిగిన ఈ సమావేశంలో స్థానిక ఎమ్మెల్యే కామత్, బీజేపీ జిల్లా అధ్యక్షుడు సతీశ్, జిల్లా మహిళా మోర్చా అధ్యక్షురాలు డాక్టర్ మంజుల, పార్టీ సీనియర్ నాయకుడు అనిల్ రావు తదితర ప్రముఖులు పాల్గొన్నారు. సమావేశం ప్రారంభంలో డాక్టర్ పొంగులేటి సుధాకర్ రెడ్డి జె. కృష్ణ పలేమార్ను శాలువాతో సత్కరించి ఆత్మీయంగా అభినందించారు. పార్టీ కోసం ఆయన అందించిన సేవలను ఈ సందర్భంగా కొనియాడారు.
