నా రాజకీయ జీవితమే ఈ సినిమా జగ్గారెడ్డి మూవీ టీజర్ విడుదల…!

తెలంగాణ పీసీసీ కార్యనిర్వాహక అధ్యక్షుడు జగ్గారెడ్డి ‘జగ్గారెడ్డి-ఏ వార్ ఆఫ్ లవ్’ చిత్రంలో నటిస్తున్నాడు. ఉగాది సందర్భంగా సినిమా ఆఫీస్ ప్రారంభించి టీజర్ విడుదల చేశారు. సినిమాలో జగ్గారెడ్డి జీవితంలోని పలు అంశాలను చూపించనున్నారు. ఈ సినిమాకు జయలక్ష్మీ రెడ్డి నిర్మాతగా, రామానుజం దర్శకత్వం వహిస్తున్నారు. ఇకపై ఈ సినిమా కార్యాలయమే నా అడ్డ అని జగ్గారెడ్డి అన్నారు. మున్సిపల్ చైర్మన్‌గా, కౌన్సిలర్‌గా, విద్యార్థి నేతగా తన విజయవంతమైన ప్రయాణం సినిమాలో చూడబోతున్నారని జగ్గారెడ్డి వెల్లడించారు. తెలంగాణ పీసీసీ కార్యనిర్వాహక అధ్యక్షుడు జగ్గారెడ్డి నటిస్తున్న సినిమా పాన్ ఇండియా లెవల్లో నిర్మిస్తున్నారు. ఇటీవల ఈ సినిమాకు సంబంధించి పోస్టర్ విడుదల కాగా దీనికి భారీ స్పందన వచ్చింది. ‘జగ్గారెడ్డి-ఏ వార్ ఆఫ్ లవ్’ సినిమాలో ఆయన నటిస్తున్నారు. ఉగాది పండుగ సందర్భంగా సినిమా ఆఫీస్‌ను జగ్గారెడ్డి నంది నగర్‌లో ప్రారంభించారు. ఈ సందర్భంగా మూవీ టీజర్ కూడా రిలీజ్ చేశారు.

ఈ టీజర్ 50 సెకన్ల పాటు ఉంది. ఈ టీజర్‌లో పవర్‌ఫుల్ డైలాగ్ ఒకటి ఎంతగానో ఆకర్షిస్తోంది. ‘‘దెబ్బలు పడే కొద్ది శిల్పంలా మారడానికి రాయి కాదు.. తగిలే ప్రతి దెబ్బని ఆయుధంగా మార్చుకునే జగ్గారెడ్డి.. సంగారెడ్డి జగ్గారెడ్డి.. అంటూ టీజర్‌లో డైలాగ్ వినిపిస్తుంది. దీనిపై టీజర్ అదిరిపోయిందని.. జగ్గరెడ్డి డైలాగ్ ఇంకా అదిరిందంటూ.. నెటిజన్లు కామెంట్స్ చేస్తున్నారు. ఇక ఈ సినిమాకు నిర్మాత జయలక్ష్మీ రెడ్డి కాగా.. రైటర్, డైరెక్టర్‌గా రామానుజం పని చేస్తున్నారు. జగ్గారెడ్డి జీవితంలోని పలు అంశాలను కథగా తెరకెక్కిస్తున్న విషయం తెలిసిందే. షూటింగ్, పోస్ట్ ప్రొడక్షన్ పనులు పూర్తి చేసి సినిమాను విడుదల చేసేందుకు సన్నాహాలు చేస్తున్నారు.

ఈ కార్యాలయమే నా అడ్డా : జగ్గారెడ్డి

జయలక్ష్మీ సినిమాస్ పేరుతో ఆదివారం నూతన ఆఫీస్‌‌ను ప్రారంభం సందర్భంగా జగ్గారెడ్డి మాట్లాడారు. తాను ఇటీవల ఢిల్లీ లో చెప్పినట్టు జగ్గారెడ్డి ఏ వార్ ఆఫ్ లవ్ పేరుతో సినిమా స్టార్ట్ చేస్తున్నామని.. ఉగాది పండుగ సందర్భంగా సినిమా ఆఫీస్ ను ప్రారంభించామన్నారు. నా నిజ జీవితం లో జరిగిన సంఘటనల సమాహారంగా ఈ సినిమా ఉంటుందన్నారు. నా నిజ జీవితం పాత్రలో నేను నటిస్తున్నాను, మిగతా విషయాలు త్వరలో ప్రకటిస్తామన్నారు. ఇకపై ఈ సినిమా కార్యాలయమే నా అడ్డ అని చెప్పుకొచ్చారు. మున్సిపల్ చైర్మన్‌గా, కౌన్సిలర్‌గా, విద్యార్థి నేతగా తన విజయవంతమైన ప్రయాణం సినిమాలో చూడబోతున్నారని జగ్గారెడ్డి వెల్లడించారు. చిత్ర నిర్మాత , జగ్గారెడ్డి కూతురు జయలక్ష్మి రెడ్డి మాట్లాడుతూ, నాన్న తన జీవితంలో ఎన్నో కష్టాలు పడి ఈ స్టేజ్ కి వచ్చారు, ఆయన జీవితం ఒక ఇన్స్పిరేషన్ అని అన్నారు.