తెలంగాణ సామాజిక విప్లవం: కుల గణనతో తేలిన జనాభా సత్యాలు.. షేక్‌లు, ముదిరాజ్‌లదే అగ్రస్థానం!

తెలంగాణ సామాజిక విప్లవం.
*కుల గణన నివేదికతో బట్టబయలైన జనాభా సత్యాలు.
*బీసీల జనాభా ప్రభంజనం.
* 28 లక్షలతో షేక్‌లు, 26 లక్షలతో ముదిరాజ్‌లదే అగ్రస్థానం.
*సామాజిక న్యాయానికి శాస్త్రీయ పునాది.
* వెనుకబడిన తరగతుల భవితను మార్చనున్న ‘గణాంక’ నిధి.

హైదరాబాద్, మహా .

తెలంగాణ రాష్ట్ర చరిత్రలో మున్నెన్నడూ లేని విధంగా, సామాజిక సమానత్వమే లక్ష్యంగా చేపట్టిన ‘తెలంగాణ సామాజిక, ఆర్థిక, విద్యా, ఉపాధి , కుల సర్వే -2024’ నివేదిక రాష్ట్రవ్యాప్తంగా సంచలనం సృష్టిస్తోంది. నిపుణుల కమిటీ రూపొందించిన ఈ బృహత్తర నివేదిక రాష్ట్రంలోని ప్రతి గడపను తాకుతూ, వెనుకబడిన తరగతుల వాస్తవ జనాభా బలాన్ని అధికారికంగా అంకెల్లో నిక్షిప్తం చేసింది. దశాబ్దాలుగా అస్పష్టంగా ఉన్న జనాభా లెక్కలు ఇప్పుడు శాస్త్రీయంగా బహిర్గతమవ్వడంతో, రాబోయే రోజుల్లో రిజర్వేషన్ల కల్పన, నిధుల కేటాయింపు మరియు రాజకీయ ప్రాతినిధ్యంలో పెను మార్పులు సంభవించనున్నాయి. కేవలం ప్రధాన కులాలే కాకుండా, అట్టడుగున ఉన్న ఉప కులాల ఉనికిని కూడా ఈ నివేదిక అధికారికంగా గుర్తించడం విశేషం.
** ముదిరాజ్, యాదవ, షేక్ వర్గాలదే పైచేయి**
రాష్ట్ర సామాజిక శక్తిని విశ్లేషిస్తే, బీసీ-డి మరియు బీసీ-ఈ విభాగాల్లోని కొన్ని సామాజిక వర్గాలు అత్యంత భారీ జనాభాతో రాజకీయంగా నిర్ణయాత్మక శక్తిగా ఎదిగాయి. ముఖ్యంగా ముదిరాజ్ సామాజిక వర్గం 26,39,027 మంది జనాభాతో, అంటే మొత్తం జనాభాలో 7.4 శాతం వాటాతో బీసీ-డి విభాగంలో అతిపెద్ద వర్గంగా అవతరించింది. దీనికి దీటుగా యాదవ (గొల్ల) సామాజిక వర్గం 20,18,725 మందితో 5.7 శాతం వాటాను కలిగి ఉండగా, మున్నూరు కాపులు 13,75,018 మందితో 3.9 శాతంగా నిలిచారు. ఇక మైనారిటీల విభాగమైన బీసీ-ఈలో షేక్ (Shaik) సామాజిక వర్గం ఏకంగా 27,95,727 మంది జనాభాతో, అంటే 7.9 శాతం వాటాతో రాష్ట్రంలోనే అత్యధిక జనాభా కలిగిన బీసీ ఉప కులంగా రికార్డు సృష్టించింది. ఈ వర్గాల జనాభా బలం ఇప్పుడు రాష్ట్ర రాజకీయ సమీకరణాలను శాసించే స్థాయికి చేరుకుంది.
**బీసీ-ఏ విభాగంలో రజక, వడ్డెర వర్గాల ఉనికి**
వెనుకబడిన తరగతుల మొదటి శ్రేణి అయిన బీసీ-ఏ విభాగంలో రజక (చాకలి) సామాజిక వర్గం 9,95,972 మంది జనాభాతో (2.8%) అగ్రస్థానంలో నిలవగా, వడ్డెర (ఓడె) వర్గం 6,43,571 మందితో (1.8%) తన బలాన్ని చాటుకుంది. అగ్నికుల క్షత్రియ వర్గం 5.27 లక్షలతో (1.5%), నాయి బ్రాహ్మణులు 4.33 లక్షలతో (1.2%) మరియు వాల్మీకి బోయలు 3.59 లక్షల మంది జనాభాతో (1.0%) రాష్ట్ర సామాజిక ముఖచిత్రంలో కీలక భాగస్వాములుగా ఉన్నారు. ఈ విభాగంలోనే గంగిరెడ్లవారు (92 వేలు), మేదరి (77 వేలు), జంగం (55 వేలు), పిచ్చిగుంట్ల (50 వేలు) మరియు మెహతర్ ముస్లింలు (47 వేలు) వంటి కులాలు కూడా గణనీయమైన సంఖ్యలో ఉన్నారు. అత్యల్ప జనాభా కలిగిన అద్దపువారు (1,566), గంజికుటి (1,393), నొక్కర్ (1,558) వంటి కులాలను సైతం కమిటీ లెక్కించడం పారదర్శకతకు నిదర్శనం.
**బీసీ-బి కేటగిరీలో కుల వృత్తుల ప్రభావిత శక్తి**
వృత్తి కులాల సమాహారమైన బీసీ-బి విభాగంలో గౌడ సామాజిక వర్గం 16,30,187 మంది జనాభాతో (4.6%) అత్యంత బలమైన వర్గంగా ఉంది. చేనేత రంగానికి చెందిన పద్మశాలి వర్గం 11,82,252 మందితో (3.3%), కురుబ (కురుమ) వర్గం 7,95,822 మందితో (2.2%) తర్వాతి స్థానాల్లో నిలిచాయి. కుమ్మర (శాలివాహన) 4.31 లక్షలు (1.2%), వడ్రంగి (వడ్ల) 4.07 లక్షల మందితో (1.1%) తమ జనాభా వాటాను స్థిరపరుచుకున్నాయి. దూదేకుల (2.69 లక్షలు), గోల్డ్ స్మిత్ (2.48 లక్షలు), పెరిక (2.30 లక్షలు), బ్లాక్ స్మిత్ (1.65 లక్షలు) వంటి వర్గాల జనాభా కూడా లక్ష దాటడం గమనార్హం. ఆరే మరాఠీ, ఆర్యక్షత్రియ, గాండ్ల, దేవాంగ వంటి కులాలు కూడా వేల సంఖ్యలో తమ ఉనికిని నిలబెట్టుకున్నాయి.
**బీసీ-డి, సీ , ఈ వర్గాల సమగ్ర గణాంకాలు**
బీసీ-డి విభాగంలో ముదిరాజ్, యాదవ, మున్నూరు కాపుల తర్వాత ఉప్పర (1.24 లక్షలు), ఆరెవల్లి (1.10 లక్షలు), చిప్పోలు-మేర (1.04 లక్షలు), ఆరెకటిక (1.03 లక్షలు) మరియు మాలి (83 వేలు) వర్గాలు ప్రధానంగా ఉన్నాయి. భట్రాజు, లక్కమారికాపు, హత్కర్, కుర్మి, లోధ్ వంటి కులాలు కూడా ఐదు అంకెల జనాభాను కలిగి ఉన్నాయి. బీసీ-సి విభాగంలో ఎస్సీల నుంచి క్రైస్తవులుగా మారిన వారి సంఖ్య 70,664 (0.2%) గా నమోదైంది. ఇక బీసీ-ఈ విభాగంలో షేక్‌ల తర్వాత ధోబీ ముస్లింలు 1.26 లక్షలతో, ఖురేషీలు ఒక లక్షతో తమ జనాభా బలాన్ని చాటుకున్నారు. ఫకీర్ ముస్లింలు (46 వేలు), గోసంగి ముస్లింలు (21 వేలు), సిద్ధి (16 వేలు), అత్తార్ (15 వేలు) వంటి వర్గాలు కూడా ఈ సామాజిక సర్వేలో తమ స్థానాన్ని స్పష్టంగా నమోదు చేసుకున్నాయి.

**తెలంగాణ సామాజిక, ఆర్థిక, విద్యా, ఉపాధి , కుల సర్వే -2024 గణాంకాలు**

**వెనుకబడిన తరగతులు – గ్రూప్ ‘ఏ’**
* అద్దపువారు: 1,566 (0.004%)
* అగ్నికులక్షత్రియ (పల్లి, వడబలిజ, బేస్త, జాలరి, గంగవారు, గంగపుత్ర, గూండ్ల, వన్యకులక్షత్రియ, వన్నెరెడ్డి, పల్లికాపు, పల్లిరెడ్డి, నెయ్యల, పట్టపు): 5,27,119 (1.5%)
* బాగోతుల/ భాగవతుల: 2,102 (0.01%)
* బైల్ కమ్మర/ ఘిసాడి/ గాడియ లోహర్: 7,217 (0.02%)
* బాలసంతు, బహురూపి: 40,156 (0.1%)
* బుడబుక్కల: 32,740 (0.1%)
* బుక్క అయ్యవార్స్: 8,547 (0.02%)
* చోపెమారి: 6,365 (0.02%)
* దాసరి (భిక్షాటన చేసేవారు): 32,196 (0.1%)
* దొమ్మర: 41,836 (0.1%)
* ఏనూటి/ యేనేటివాళ్లు: 2,471 (0.01%)
* గంగిరెడ్లవారు: 92,430 (0.3%)
* గంజికుటి/ గంజికుటివారు: 1,393 (0.004%)
* గోత్రాల: 5,739 (0.02%)
* గౌడ జెట్టి: 23,018 (0.1%)
* గుడాల: 3,747 (0.01%)
* జంగం (భిక్షాటన చేసేవారు): 55,112 (0.2%)
* జోగి: 37,940 (0.1%)
* జోషినందివాలాస్: 9,445 (0.03%)
* కైకాడి: 1,658 (0.005%)
* కాకిపడగల: 2,001 (0.01%)
* కంజర – భట్ట: 1,967 (0.01%)
* కాశీకాపడి / కాశీకాపుడి: 25,828 (0.1%)
* కాటిపాపల: 19,991 (0.1%)
* కెప్మారె లేదా రెడ్డిక: 21,835 (0.1%)
* కునపులి: 23,378 (0.1%)
* మందుల: 28,568 (0.1%)
* మేదరి లేదా మహేంద్ర: 77,645 (0.2%)
* మెహతర్ (ముస్లిం): 47,134 (0.1%)
* మొందెపట్ట: 2,014 (0.01%)
* మొందివారు, మొందిబండ, బండ: 16,355 (0.05%)
* నాయి-బ్రాహ్మణ (మంగలి, మంగళ, భజంత్రి): 4,33,785 (1.2%)
* నొక్కర్: 1,558 (0.004%)
* ఒడ్/ ఓడ్/ ఓడ్: 4,049 (0.01%)
* ఓడె (ఒడ్డిలు, వద్ది, వడ్డెలు, వడ్డెర, వడ్డబోయి, వడియరాజ్): 6,43,571 (1.8%)
* పాల-ఏకరి, ఏకిల, వ్యాకుల, ఏకిరి, నాయనివారు, పాలెగారు, తోలగారి, కావలి: 4,346 (0.01%)
* పాంబల: 5,608 (0.02%)
* పాముల: 35,833 (0.1%)
* పార్ధి (నిర్షికారి): 9,303 (0.03%)
* పారికి ముగ్గుల: 2,100 (0.01%)
* పటంవారు/ మసయ్యలు: 1,444 (0.004%)
* పాత్ర: 5,037 (0.01%)
* పెద్దమ్మవాండ్లు, దేవరవాండ్లు, ఎల్లమ్మవాండ్లు, ముత్యాలమ్మవాండ్లు, దమ్మాలి: 20,447 (0.1%)
* పూసల: 40,710 (0.1%)
* రజక (చాకలి, వన్నార్): 9,95,972 (2.8%)
* రాజన్నాల, రాజన్నలు: 7,549 (0.02%)
* సిద్ధుల: 2,099 (0.01%)
* సిక్లీగర్/ సైకల్గర్: 9,996 (0.03%)
* సొన్నాయిల/ సన్నాయిల/ సన్నాయొళ్లు: 4,959 (0.01%)
* శ్రీ క్షత్రియ రామజోగి/ రామజోగి/ రామజోగుల: 3,133 (0.01%)
* తెరచీరల/ తెలిసోరి/ బైకాని: 1,686 (0.005%)
* తోలుబొమ్మలాటవారు/ బొప్పల: 2,044 (0.01%)
* వాల్మీకి బోయ (బోయ, బేడర్, కిరాతక, నిషాది, యెల్లపి, పెద్ద బోయ, తలయారి, చుండువాళ్లు): 3,59,230 (1.0%)
* వంశ రాజ్ / పిచ్చిగుంట్ల: 50,021 (0.1%)
* వీరముష్టి (నెట్టికోటల), వీరభద్రీయ: 18,038 (0.1%)
* యాత: 1,854 (0.01%)
**వెనుకబడిన తరగతులు – గ్రూప్ ‘బి’**
* ఆరె మరాఠీ, మరాఠా (బ్రాహ్మణేతర): 87,540 (0.2%)
* ఆర్యక్షత్రియ, చిత్తారి, గినియార్, చిత్రకార, నకాష్: 56,875 (0.2%)
* కమ్మరి : 1,65,726 (0.5%)
* బొందిలి: 31,079 (0.1%)
* ముంచారి : 13,464 (0.04%)
* బుడుబుంజల/భుంజువ /భద్భుంజ: 2,468 (0.01%)
* దేవాంగ: 30,116 (0.1%)
* దూదేకుల, లద్దాఫ్, పింజారి లేదా నూర్‌బాష్: 2,69,699 (0.8%)
* గాండ్ల, తెలికుల, దేవతిలకుల: 53,866 (0.2%)
* ముంచారి : 2,48,965 (0.7%)
* గౌడ [ఈడిగ, గౌడ (గమళ్ల), కలాలీ, గౌండ, మరియు శ్రీశయన (సెగిడి)]: 16,30,187 (4.6%)
* జండ్ర: 17,245 (0.05%)
* కరికలభక్తులు, కైకోలన్ లేదా కైకాల (సెంగుందం లేదా సెగుంతర్): 3,215 (0.01%)
* కర్ణభక్తులు: 3,616 (0.01%)
* కాశీ / సిల్పిస్: 4,001 (0.01%)
* కుమ్మర లేదా కులాల, శాలివాహన: 4,31,363 (1.2%)
* కురుబ లేదా కురుమ: 7,95,822 (2.2%)
* లోధ్/ లోధి/ లోధా: 15,238 (0.04%)
* నీలకంఠి: 9,722 (0.03%)
* నీలి: 7,156 (0.02%)
* నెస్సి లేదా కుర్ని: 13,804 (0.04%)
* పద్మశాలి (సాలి, సాలివన్, పట్టుశాలి, సేనపతులు, తొగట సాలి): 11,82,252 (3.3%)
* పట్కర్ (ఖత్రి): 28,356 (0.1%)
* పెరిక (పెరిక బలిజ, పురగిరి క్షత్రియ): 2,30,851 (0.6%)
* స్వకులసాలి: 8,345 (0.02%)
* తొగట, తొగటి లేదా తొగటవీరక్షత్రియ: 21,474 (0.1%)
* వడ్రంగి / వడ్ల: 4,07,927 (1.1%)
**వెనుకబడిన తరగతులు – గ్రూప్ ‘సి’**
* ఎస్సీల నుండి క్రైస్తవ మతంలోకి మారిన వారు: 70,664 (0.2%)
**వెనుకబడిన తరగతులు – గ్రూప్ ‘డి’**
* అగముడియన్, అగముడియార్, అగముడివెళ్ళాలర్ (తులువ వెళ్ళాలలతో కలిపి): 2,515 (0.01%)
* అహీర్/ అహీర్ యాదవ్: 4,539 (0.01%)
* ఆరె, ఆరెవళ్లు మరియు అరోళ్లు: 1,10,693 (0.3%)
* అరెకటిక, కటిక, ఆరె-సూర్యవంశి: 1,03,572 (0.3%)
* అయ్యరక: 2,215 (0.01%)
* భట్రాజు: 21,423 (0.1%)
* చిప్పోలు (మేర): 1,04,979 (0.3%)
* గోవిలి/ గోవ్లి/ గౌలి/ గావ్లి: 3,903 (0.01%)
* హత్కర్: 17,977 (0.1%)
* జింగార్: 4,479 (0.01%)
* కచ్చి: 4,503 (0.01%)
* కోష్ఠి: 2,636 (0.01%)
* కృష్ణబలిజ (దాసరి, బుక్క): 10,708 (0.03%)
* కుల్లకడగి/ కుల్లెకడిగి/ చిత్తెపు: 23,137 (0.1%)
* కుర్మి: 41,346 (0.1%)
* లక్కమారికాపు: 34,784 (0.1%)
* మాలి (బరే, బరై, మరార్ మరియు తంబోలి): 83,854 (0.2%)
* మధుర: 43,998 (0.1%)
* ముదిరాజ్, ముత్రాసి, తెనుగొల్లు: 26,39,027 (7.4%)
* మున్నూరుకాపు: 13,75,018 (3.9%)
* నగరాలు: 1,954 (0.01%)
* పాస్సి: 5,587 (0.02%)
* రంగరేజ్ లేదా భవసార క్షత్రియ: 26,086 (0.1%)
* సాధుచెట్టి: 1,858 (0.01%)
* సరోళ్లు/ సోమ వంశ క్షత్రియ: 5,288 (0.01%)
* సాతాని (చట్టాదశ్రీవైష్ణవ): 31,454 (0.1%)
* సిస్టకరణం: 4,587 (0.01%)
* సొండి / సుండి: 1,411 (0.004%)
* సూర్య బలిజ (కలవంతుల), గణిక: 6,843 (0.02%)
* తమ్మలి (బ్రాహ్మణేతర) (శూద్ర కులం): 11,140 (0.03%)
* ఉప్పర లేదా సగర: 1,24,148 (0.3%)
* వంజర (వంజారి): 62,023 (0.2%)
* వరాల: 3,939 (0.01%)
* వీరశైవ లింగాయత్ / లింగబలిజ: 1,73,192 (0.5%)
* యాదవ (గొల్ల): 20,18,725 (5.7%)
**వెనుకబడిన తరగతులు – గ్రూప్ ‘ఈ’**
* అచ్చుకట్టలవాండ్లు, సింగాలి, సింగంవాళ్లు, అచ్చుపానివాళ్లు: 4,539 (0.01%)
* అత్తార్ సాయిబులు, అత్తరోళ్లు: 15,419 (0.04%)
* ధోబీ ముస్లిం/ ముస్లిం ధోబీ (చాకలి, తురక చాకలి): 1,26,438 (0.4%)
* ఫకీర్, ఫకీర్ బుడబుడ్కి, గంటి ఫకీర్, తురక బుడబుడ్కి: 46,418 (0.1%)
* గారడీ ముస్లిం, గారడీ సాయిబులు: 14,204 (0.04%)
* గోసంగి ముస్లిం, ఫకీర్ సాయేబులు: 21,337 (0.1%)
* గుడ్డి ఎలుగువాళ్లు, ముసల్మాన్ కీలు గుర్రాలవాళ్లు: 2,416 (0.01%)
* హజామ్, నై, నై ముస్లిం, నవిద్: 9,783 (0.03%)
* లబ్బి, లబ్బై, లబ్బన్, లబ్బా: 2,681 (0.01%)
* పకీర్ల, బోరెవాలె, దీరా ఫకీర్ల, బొంతల: 14,697 (0.04%)
* ఖురేషి, కసబ్, మరాఠి కసబ్, ముస్లిం కటిక: 1,00,619 (0.3%)
* షేక్/ షేక్: 27,95,727 (7.9%)
* సిద్ధి, యాబా, హబ్షి, జాసి: 16,672 (0.05%)