సూర్యోదయం, సూర్యాస్తమయం.
* జపాన్ భాషలో ముచ్చటైన పేర్లు.
* ఇంట్లోకి వచ్చిన కొత్త అతిథులను పరిచయం చేసిన యంగ్ టైగర్.
*’అసాహి, యూహి’ పేర్ల సీక్రెట్ రివీల్ చేసిన ఎన్టీఆర్.
హైదరాబాద్, మహా.
టాలీవుడ్ స్టార్ హీరో, యంగ్ టైగర్ జూనియర్ ఎన్టీఆర్ తన అభిమానులతో ఒక ఆసక్తికరమైన విషయాన్ని పంచుకున్నారు. తన ఇంట్లోకి వచ్చిన కొత్త అతిథులను సోషల్ మీడియా వేదికగా ఆయన ఫ్యాన్స్కు పరిచయం చేశారు. తాను ముద్దుగా పెంచుకుంటున్న రెండు అందమైన పెంపుడు పక్షుల ఫొటోలను షేర్ చేస్తూ, వాటి పేర్ల వెనుక ఉన్న అసలు సీక్రెట్ను బయటపెట్టారు.
తనకు జపాన్ దేశం, అక్కడి సంస్కృతి అంటే ఉన్న అపారమైన ప్రేమను మరోసారి చాటుకుంటూ ఎన్టీఆర్ తన పెంపుడు పక్షులకు ‘అసాహి’, ‘యూహి’ అని నామకరణం చేశారు. ఈ పేర్ల అర్థం ఏమిటో కూడా ఆయనే వివరించారు. జపనీస్ భాషలో ‘అసాహి’ అంటే సూర్యోదయం (Sunrise) అని, ‘యూహి’ అంటే సూర్యాస్తమయం (Sunset) అని అర్థం వస్తుందని ఆయన తెలిపారు. ఎన్టీఆర్కు జపాన్లో ఎంతటి క్రేజ్ ఉందో, అక్కడి అభిమానులంటే ఆయనకు ఎంత ఇష్టమో ప్రత్యేకంగా చెప్పాల్సిన పనిలేదు. ఇప్పుడు తన పెంపుడు పక్షులకు సైతం జపనీస్ పేర్లు పెట్టడం ద్వారా ఆ దేశంపై తనకున్న ప్రత్యేక అభిమానాన్ని చాటుకున్నారు.
ప్రస్తుతం సోషల్ మీడియాలో తారక్ షేర్ చేసిన ఈ క్రేజీ పిక్స్ వైరల్గా మారాయి. తన చేతిపై ముద్దుగా కూర్చున్న పక్షులతో ఎన్టీఆర్ ఎంతో ఉత్సాహంగా కనిపిస్తున్న ఈ ఫొటోలు అభిమానులను విశేషంగా ఆకట్టుకుంటున్నాయి.
బండి భగీరథ్ పోక్సో కేసు…
Editor
