• హైటెక్‌ సిటీలోని యశోద ఆస్పత్రికి వెళ్లి ఆరోగ్య పరిస్థితిపై ఆరా.
హైదరాబాద్‌, మహా.
అనారోగ్యంతో హైదరాబాద్‌ హైటెక్‌ సిటీలోని యశోద ఆస్పత్రిలో చికిత్స పొందుతున్న తెలంగాణ గవర్నర్‌ శివ ప్రతాప్‌ శుక్లాను ముఖ్యమంత్రి రేవంత్‌రెడ్డి పరామర్శించారు. గురువారం ఆస్పత్రికి వెళ్లిన ముఖ్యమంత్రి గవర్నర్‌ను కలిసి ఆరోగ్య పరిస్థితిని అడిగి తెలుసుకున్నారు. వైద్యులను సంప్రదించి గవర్నర్‌కు అందుతున్న చికిత్స, ఆరోగ్య పరిస్థితిపై వివరాలు తెలుసుకున్నారు.
ఈ సందర్భంగా ఎంపీ వేం నరేందర్‌రెడ్డి కూడా ముఖ్యమంత్రి వెంట ఆస్పత్రికి వెళ్లి గవర్నర్‌ను పరామర్శించారు. గవర్నర్‌ శివ ప్రతాప్‌ శుక్లా ఆరోగ్య పరిస్థితిపై వైద్యులతో మాట్లాడి అవసరమైన వైద్య సేవలు అందుతున్నాయా అనే విషయాలను సీఎం రేవంత్‌రెడ్డి తెలుసుకున్నారు. గవర్నర్‌ త్వరగా కోలుకోవాలని ముఖ్యమంత్రి ఆకాంక్షించారు.
గవర్నర్‌ ఆరోగ్య పరిస్థితిని వైద్యులు నిరంతరం పర్యవేక్షిస్తున్నట్లు సమాచారం. చికిత్సకు సంబంధించి వైద్యులు తీసుకుంటున్న చర్యలను ముఖ్యమంత్రి అడిగి తెలుసుకున్నారు. ఆస్పత్రిలో గవర్నర్‌కు అవసరమైన అన్ని వైద్య సదుపాయాలు అందుబాటులో ఉండేలా చూడాలని సంబంధిత అధికారులను సీఎం సూచించినట్లు తెలిసింది.
గవర్నర్‌ అనారోగ్యానికి గురైన విషయం తెలియడంతో ఆయన ఆరోగ్యంపై పలువురు ప్రజాప్రతినిధులు, రాజకీయ ప్రముఖులు ఆరా తీస్తున్నారు. ఈ నేపథ్యంలో ముఖ్యమంత్రి స్వయంగా ఆస్పత్రికి వెళ్లి పరామర్శించడం ప్రాధాన్యం సంతరించుకుంది. గవర్నర్‌ త్వరగా సంపూర్ణ ఆరోగ్యంతో కోలుకుని సాధారణ విధుల్లోకి రావాలని పలువురు ఆకాంక్షిస్తున్నారు.
