ఆంధ్రప్రదేశ్ రాష్ట్ర ప్రభుత్వ నూతన ప్రధాన కార్యదర్శిగా విజయానంద్ నియమితులయ్యారు. ఈ మేరకు ప్రభుత్వం ఉత్తర్వులు జారీ చేసింది. కాగా, ప్రస్తుత సీఎస్ నీరబ్ కుమార్ ప్రసాద్ పదవీ కాలం ఈ నెలాఖరుతో ముగియనున్నది. ఈ నేపథ్యంలో నూతన సీఎస్ గా విజయానంద్ ను రాష్ట్ర ప్రభుత్వం నియమించింది. విజయానంద్ ప్రస్తుతం ఇంధనశాఖ ప్రత్యేక ప్రధాన కార్యదర్శిగా కొనసాగుతున్నారు. రేపు మధ్యాహ్నం ఆయన పదవీ బాధ్యతలు చేపట్టనున్నారు. వచ్చే ఏడాది నవంబర్ నెలలో విజయానంద్ పదవీ విరమణ చేయనున్నారు.
