దక్షిణ మధ్య రైల్వే అంతర్జాతీయ మహిళా దినోత్సవం -2025ను సోమవారం రైల్ నిలయంలోని ఆడిటోరియంలో ఘనంగా జరుపుకుంది. ఈ కార్యక్రమానికి దక్షిణ మధ్య రైల్వే జనరల్ మేనేజర్ అరుణ్ కుమార్ జైన్ ముఖ్య అతిథిగా హాజరయ్యారు; దక్షిణ మధ్య రైల్వే అదనపు జనరల్ మేనేజర్ నీరజ్ అగ్రవాల్; సామాజిక కార్యకర్త మరియు ప్రజ్వల ఫౌండేషన్ వ్యవస్థాపకురాలు పద్మశ్రీ సునీతా కృష్ణన్ విశిష్ట అతిథిగా; దక్షిణ మధ్య రైల్వే ప్రిన్సిపల్ చీఫ్ పర్సనల్ ఆఫీసర్ సిద్ధార్థ్ కటి గౌరవ అతిథిగా; దక్షిణ మధ్య రైల్వే ప్రిన్సిపల్ చీఫ్ మెడికల్ డైరెక్టర్ డాక్టర్ నిర్మలా రాజారాం; దక్షిణ మధ్య రైల్వే ప్రిన్సిపల్ చీఫ్ ఆపరేషన్స్ మేనేజర్ కె. పద్మజ మరియు దక్షిణ మధ్య రైల్వే ప్రిన్సిపల్ చీఫ్ సెక్యూరిటీ కమిషనర్ అరోమా సింగ్ ఠాకూర్ పాల్గొన్నారు
ఈ సందర్భంగా సామాజిక కార్యకర్త ‘పద్మశ్రీ’ సునీత కృష్ణన్ మాట్లాడుతూ, మహిళా సాధికారతను మరింత బలోపేతం చేయడానికై ఆ లక్ష్యాన్ని సాధించడానికి మనం ఇంకెంత దూరం వెళ్లాలో అంచనా వేయడానికి మహిళా దినోత్సవం ఒక సందర్భమని అన్నారు. ‘మార్పు నుండి మార్పు వస్తుంది’ అని పేర్కొన్నారు. లింగం అనేది సామాజిక దృగ్విషయం, దానిని అర్థం చేసుకోవడం ద్వారా మార్చవచ్చు అన్నారు. ప్రతి తల్లిదండ్రులు తమ పిల్లలను మంచి పౌరులుగా మలచాల్సిన బాధ్యత వారిపై ఉందని పేర్కొన్నారు . ఈ సంధర్భంగా మహాత్మా గాంధీ ప్రసిద్ధ సామెతను ఆమె గుర్తుచేశారు , “మీరు ప్రపంచంలో చూడాలనుకునే మార్పుకు అనుగుణంగా ముందు మీరూ మారండి, మరియు నేను మొదటగా మారతాను అటుపిమ్మట సమాజం మార్పుకై ప్రయత్నిస్తానని అని ప్రతి ఒక్కరూ వాగ్దానం చేయాలని విజ్ఞప్తి చేశారు.
దక్షిణ మధ్య రైల్వేకు మహిళా ఉద్యోగులు నిజమైన గర్వకారణమని, వారు అన్ని రంగాలలోనూ నిజాయితీ, అంకితభావంతో రాణిస్తున్నారని జనరల్ మేనేజర్ అరుణ్ కుమార్ జైన్ అన్నారు. దక్షిణ మధ్య రైల్వేలో 7,650 మందికి పైగా మహిళా ఉద్యోగులు పనిచేస్తున్నారని, ఇది మొత్తం శ్రామిక శక్తిలో దాదాపు 10% అని ఆయన పేర్కొన్నారు. మహిళా సాధికారతను సాదించడంలో మనం చాలా దూరం వచ్చామని, ఇంకా ముందుకు సాగాలని కూడా ఆయన పేర్కొన్నారు. పని ప్రదేశాలలో మహిళా సహోద్యోగి సురక్షితంగా, సంతోషంగా ఉండేలా చూడటం ప్రతి ఉద్యోగి బాధ్యత అని ఆయన అన్నారు. జోన్లోని మూడు ముఖ్యమైన విభాగాలకు నాయకత్వం వహిస్తున్న ప్రిన్సిపల్ చీఫ్ మెడికల్ డైరెక్టర్ డాక్టర్ నిర్మలా రాజారామ్; ప్రిన్సిపల్ చీఫ్ ఆపరేషన్స్ మేనేజర్ కె. పద్మజ; ప్రిన్సిపల్ చీఫ్ సెక్యూరిటీ కమిషనర్ అరోమా సింగ్ ఠాకూర్లను కూడా ఆయన ఈ సంధర్భంగా అభినందించారు. దేశానికి, దక్షిణ మధ్య రైల్వేకు వన్నె తెచ్చిన మహిళా క్రీడాకారుల కృషికి ఆయన వారిని అభినందించారు.
ప్రిన్సిపల్ చీఫ్ పర్సనల్ ఆఫీసర్ సిద్ధార్థ్ కటి నారీ శక్తి ( మహిళా ఉద్యోగులు) యొక్క అద్భుతమైన విజయాలను ప్రశంసించారు సంస్థ వృద్ధిపై వారి పాత్ర చెరగని ముద్ర వేసిందని పొగిడారు. దక్షిణ మధ్య రైల్వే మహిళల భద్రతను కాపాడటానికి, మహిళా శ్రామిక శక్తి సంక్షేమానికై కట్టుబడి ఎల్లవేళలా ఉందని ఆయన పేర్కొన్నారు. అంతర్గత ఫిర్యాదుల కమిటీ అనే శక్తివంతమైన ఆయుధం మహిళా ఉద్యోగులను రక్షించడానికి దక్షిణ మధ్య రైల్వే వద్ద ఉందని ఆయన పేర్కొన్నారు.
