హైదరాబాద్, మహా .
తెలంగాణ మాజీ ముఖ్యమంత్రి, బీఆర్ఎస్ అధినేత కె.చంద్రశేఖర్రావు (కేసీఆర్) మనుమడు, మాజీ మంత్రి కల్వకుంట్ల తారక రామారావు (కేటీఆర్) కుమారుడు కల్వకుంట్ల హిమాన్షు రావు 21వ జన్మదిన వేడుకలు ఆదివారం హైదరాబాద్లో అత్యంత వైభవంగా జరిగాయి. ఈ ప్రత్యేక సందర్భాన్ని పురస్కరించుకుని, తన గారాల మనవడిని ఆశీర్వదించేందుకు కేసీఆర్ ఎర్రవల్లి ఫామ్హౌస్ నుంచి స్వయంగా హైదరాబాద్కు విచ్చేశారు.
**కోలుకున్న హిమాన్షు.. కేసీఆర్ ఆత్మీయ ఆశీర్వాదం**
ఇటీవల జిమ్లో వ్యాయామం చేస్తున్న సమయంలో జరిగిన క్రీడా ప్రమాదంలో హిమాన్షు ముక్కుకు గాయమైన సంగతి తెలిసిందే. నగరంలోని ఏఐజీ ఆసుపత్రిలో చికిత్స పొంది, పూర్తిగా కోలుకున్న ఆయన తన 21వ పుట్టినరోజు జరుపుకున్నారు. ఈ సందర్భంగా తాత కేసీఆర్ దగ్గరుండి మరీ హిమాన్షుతో కేక్ కట్ చేయించి, మనవడిని ఆత్మీయంగా ఆశీర్వదించారు. కుటుంబ సభ్యులు, ఆప్తులు, పలువురు బీఆర్ఎస్ ముఖ్య నేతల సమక్షంలో ఈ సంబురాలు ఘనంగా జరిగాయి.
**రాష్ట్రవ్యాప్తంగా సేవా కార్యక్రమాలు.. ముఖరా (కె)లో మొక్కలు నాటిన అభిమానులు**
హిమాన్షు జన్మదినాన్ని పురస్కరించుకుని రాష్ట్రవ్యాప్తంగా పలుచోట్ల బీఆర్ఎస్ శ్రేణులు, అభిమానులు అన్నదానాలు, రక్తదాన శిబిరాలు తదితర సేవా కార్యక్రమాలు నిర్వహించారు. ముఖ్యంగా ఆదర్శ గ్రామం ముఖరా (కె)లో హిమాన్షు పుట్టినరోజు వేడుకల్లో భాగంగా అభిమానులు పెద్ద ఎత్తున మొక్కలు నాటే కార్యక్రమాన్ని చేపట్టారు. యువ నాయకుడి పుట్టినరోజు నాడు పర్యావరణ పరిరక్షణకు పెద్దపీట వేస్తూ ఇలాంటి కార్యక్రమాలు చేపట్టడం పట్ల పార్టీ వర్గాల్లో హర్షం వ్యక్తమవుతోంది. కేటీఆర్, ఇతర కుటుంబ సభ్యులు, సన్నిహితులు హిమాన్షుకు సామాజిక మాధ్యమాల ద్వారా జన్మదిన శుభాకాంక్షలు తెలియజేశారు.
