కెజిఎఫ్ సినిమాతో పాన్ ఇండియా డైరెక్టర్ గా మారిపోయాడు ప్రశాంత్ నీల్. ఇక కెజిఎఫ్ 2 తో ఇండస్ట్రీ మొత్తం అతని వైపు తిరిగి చూసింది. ప్రస్తుతం ప్రశాంత్ నీల్ తో వర్క్ చేయడం కోసం స్టార్ హీరోలు పోటీపడుతున్నారు అని చెప్పడంలో ఎటువంటి అతిశయోక్తి లేదు. గతేడాది సలార్ సినిమాతో ప్రేక్షకుల ముందుకు వచ్చిన ప్రశాంత్.. ప్రభాస్ కు ఆశించినంత విజయాన్ని అందివ్వలేదు అన్న మాట వాస్తవం.
సలార్ తో కాకపోతే సలార్ 2 తో అయినా ప్రేక్షకులను మెప్పిస్తాడేమో అని అభిమానులు ఎంతగానో ఎదురుచూస్తున్నారు. కానీ, ఈ సినిమా కన్నా ముందు ప్రశాంత్.. ఎన్టీఆర్ 31 ను మొదలుపెట్టనున్నట్లు సమాచారం. పోనీ, ఇది అయ్యాక అయినా శౌర్యంగ పర్వాన్ని సెట్స్ మీదకు తీసుకెళ్తాడేమో అనుకుంటే.. ఇప్పుడు ఈ డైరెక్టర్ మరో సినిమాను లైన్లో పెట్టాడని వార్తలు వినిపిస్తున్నాయి.
కన్నడ అయిపోయింది, తెలుగు అయిపోయింది.. ఇక ఇప్పుడు ప్రశాంత్ నీల్.. తమిళ్ మీద కన్నేసినట్లు తెలుస్తోంది. అందుతున్న సమాచారం ప్రకారం.. ప్రశాంత్ నీల్, తమిళ్ స్టార్ హీరో అజిత్ తో ఒక సినిమా చేయడానికి గ్రీన్ సిగ్నల్ ఇచ్చాడని వార్తలు వినిపిస్తున్నాయి. అజిత్ ప్రస్తుతం రెండు సినిమాలతో బిజీగా ఉనాన్డు. ఒకటి విదాముయర్చి కాగా రెండోది గుడ్ బ్యాడ్ అగ్లీ.
ఇక ఈ రెండు సినిమాలు ప్రస్తుతం శరవేగంగా షూటింగ్ జరుపుకుంటున్నాయి. ఇవి ఇంకా పూర్తి కాకముందే అజిత్.. AK64 గా ప్రశాంత్ నీల్ సినిమాను కంఫర్ చేసినట్లు కోలీవుడ్ కోడై కూస్తోంది. ఒకరకంగా చెప్పాలంటే ఈ కాంబో అంత ఈజీగా తీసుకొనేది కాదు. ఇండస్ట్రీ మొత్తం ఎదురుచూసే కాంబోలో ఇది కూడా ఒకటి.
యాక్షన్ హీరోగా అజిత్ కు మంచి పేరు ఉంది. ఇంకోపక్క యాక్షన్ కు బ్రాండ్ అంబాసిడర్ గా మారిన డైరెక్టర్ ప్రశాంత్ నీల్. వీరిద్దరూ ఒక్కటి అయితే బాక్సాఫీస్ షేకే అని చెప్పడంలో ఆశర్యం లేదు. అంతేకాకుండా కోలీవుడ్ లో ఇదొక గేమ్ ఛేంజర్ అని చెప్పొచ్చు. మరి ఇందులో నిజమెంత అనేది తెలియాలంటే అధికారిక ప్రకటన వచ్చేవరకు ఆగాల్సిందే.
