- సీఐడీ సిట్ విచారణకు విజయ్ దేవరకొండ
- బెట్టింగ్ యాప్స్ కేసులో గంటసేపు విచారణ
హైదరాబాద్, మహా
బెట్టింగ్ యాప్స్ కేసులో నటుడు విజయ్ దేవరకొండ సీఐడీ(క్రైమ్ ఇన్వెస్టిగేషన్ డిపార్ట్మెంట్) సిట్ విచారణ పూర్తి అయ్యింది. హైదరాబాద్లోని సీఐడీ కార్యాలయంలో సుమారు గంటకు పైగా పోలీసుల విచారణ కొనసాగింది. నిషేధిత బెట్టింగ్ యాప్లకు ప్రచారం చేసిన వ్యవహారంలో విజయ్ దేవరకొండను సిట్ అధికారులు ప్రశ్నించారు. ప్రమోట్ చేసినందుకు పారితోషికం, కమీషన్లు తదితరాలపై ఆరా తీసినట్లు సమాచారం. దర్యాప్తు అధికారులు సుమారు గంటపాటు విజయ్ను ప్రశ్నించారు. ఇకపై బెట్టింగ్, గేమింగ్ యాప్లకు ప్రమోషన్స్ చేయబోనని సిట్ ఎదుట విజయ్ దేవరకొండ చెప్పినట్లు సమాచారం. విచారణ అనంతరం సీఐడీ కార్యాలయం వెనుక గేటు నుంచి ఆయన వెళ్లిపోయారు. బెట్టింగ్ యాప్ కేసులో విచారణకు హాజరు కావాలని విజయ్ దేవరకొండతో పాటు నటుడు ప్రకాశ్రాజ్కు కూడా సీఐడీ సిట్ గతంలోనే నోటీసులు జారీ చేసింది.
