దేశవ్యాప్తంగా పెట్రోల్ సెగ….

దేశవ్యాప్తంగా పెట్రోల్ సెగ.
* రాష్ట్రాల మధ్య భారీ వ్యత్యాసాలు.
హైదరాబాద్, మహా.
భారతదేశంలో ఇంధన ధరల మోత సామాన్యుడి జేబుకు చిల్లు పెడుతోంది. అంతర్జాతీయ మార్కెట్ పరిస్థితులు, రూపాయి విలువలో హెచ్చుతగ్గులతో పాటు రాష్ట్ర ప్రభుత్వాలు విధించే వ్యాట్ (VAT), స్థానిక పన్నుల కారణంగా దేశంలోని వివిధ ప్రాంతాల్లో పెట్రోల్ ధరలు వేర్వేరుగా ఉన్నాయి. తాజాగా అందుబాటులో ఉన్న గణాంకాలను పరిశీలిస్తే, దక్షిణాది రాష్ట్రాల్లో ముఖ్యంగా ఆంధ్రప్రదేశ్, తెలంగాణలో ధరలు గరిష్ట స్థాయిలో ఉండగా, కేంద్రపాలిత ప్రాంతమైన అండమాన్ నికోబార్ దీవుల్లో కనిష్టంగా నమోదవుతున్నాయి.
ప్రస్తుతం దేశంలోనే అత్యధికంగా ఆంధ్రప్రదేశ్‌లో లీటర్ పెట్రోల్ ధర ₹113.03 వద్ద కొనసాగుతూ వాహనదారులకు చుక్కలు చూపిస్తోంది. దీనికి ఏమాత్రం తగ్గకుండా తెలంగాణలో ₹110.89, కేరళలో ₹110.58గా ధరలు ఉన్నాయి. మధ్య భారత దేశంలో మధ్యప్రదేశ్ ₹109.71తో అత్యధిక ధర కలిగిన రాష్ట్రాల జాబితాలో నిలవగా, తూర్పున పశ్చిమ బెంగాల్ ₹108.70 వద్ద, బీహార్ ₹108.55 వద్ద ఉన్నాయి. ఇక రాజస్థాన్ రాష్ట్రంలో పెట్రోల్ లీటరుకు ₹107.97 పలుకుతుండగా, పారిశ్రామిక హబ్ మహారాష్ట్రలో ₹106.68గా ఉంది. కొండ ప్రాంతాలైన సిక్కిం, లడఖ్‌లలో వరుసగా ₹106.50 మరియు ₹106.05గా ధరలు నిర్ణయించబడ్డాయి.
దక్షిణాదిలోని ఇతర రాష్ట్రాలను గమనిస్తే కర్ణాటకలో ₹106.21, తమిళనాడులో ₹103.67గా ధరలు ఉన్నాయి. ఒడిశాలో ₹104.19, ఛత్తీస్‌గఢ్‌లో ₹103.56, లక్షద్వీప్‌లో ₹103.51 వద్ద విక్రయాలు జరుగుతున్నాయి. ఈశాన్య రాష్ట్రాల్లో మణిపూర్ ₹102.28, మిజోరం ₹102.11, అస్సాం ₹101.21 మరియు త్రిపుర ₹100.61గా ఉన్నాయి. పంజాబ్ రాష్ట్రంలో ₹101.19 వద్ద, జార్ఖండ్‌లో ₹100.84 వద్ద పెట్రోల్ సెంచరీ మార్కును దాటేసింది. అయితే నాగాలాండ్ రాష్ట్రం సరిగ్గా వందకు చేరువలో అంటే ₹99.97 వద్ద ఉండటం గమనార్హం.
మరికొన్ని రాష్ట్రాల్లో పెట్రోల్ ధరలు వందకు దిగువన కొనసాగుతూ కొంత ఊరటనిస్తున్నాయి. జమ్మూ కాశ్మీర్‌లో ₹99.83, పర్యాటక ప్రాంతం గోవాలో ₹99.76, పాండిచ్చేరిలో ₹99.25గా ధరలు ఉన్నాయి. హర్యానా, మేఘాలయ రాష్ట్రాల్లో వరుసగా ₹98.95 మరియు ₹98.86గా ఉండగా, హిమాచల్ ప్రదేశ్ ₹98.31, గుజరాత్ ₹97.95 వద్ద ఉన్నాయి. దేశ రాజధాని ఢిల్లీలో లీటర్ పెట్రోల్ ₹97.77గా ఉండగా, పొరుగు రాష్ట్రమైన ఉత్తరప్రదేశ్ ₹97.55 వద్ద కొనసాగుతోంది. చండీగఢ్‌లో ₹97.27, ఉత్తరాఖండ్‌లో ₹96.23 వద్ద విక్రయాలు జరుగుతున్నాయి. ఇక ఈశాన్య రాష్ట్రం అరుణాచల్ ప్రదేశ్‌లో ₹93.88 వద్ద విక్రయిస్తుండగా, దేశంలోనే అత్యంత చౌకగా అండమాన్ నికోబార్ దీవుల్లో కేవలం ₹84.99కే లీటర్ పెట్రోల్ లభిస్తోంది. రాష్ట్రాల వారీగా చూస్తే గరిష్ట, కనిష్ట ధరల మధ్య దాదాపు ₹28 రూపాయల వ్యత్యాసం ఉండటం విశేషం.