తెలంగాణలో కొలువుల జాతర.
* 7,437 పోలీసు పోస్టులకు నోటిఫికేషన్ విడుదల.
హైదరాబాద్, మహా.
తెలంగాణ రాష్ట్రంలోని నిరుద్యోగ యువతకు రాష్ట్ర ప్రభుత్వం భారీ శుభవార్త అందించింది. ఎంతో కాలంగా రాష్ట్ర నిరుద్యోగులు ఆసక్తిగా ఎదురుచూస్తున్న ‘తెలంగాణ పోలీస్‌ రిక్రూట్‌మెంట్‌-2026’ నోటిఫికేషన్‌ను శనివారం అధికారికంగా విడుదల చేసింది. ఈ మెగా నోటిఫికేషన్ ద్వారా రాష్ట్రవ్యాప్తంగా మొత్తం 7,437 పోస్టులను భర్తీ చేయనున్నట్లు ప్రభుత్వం ప్రకటించింది.
**వివిధ విభాగాల్లో ఖాళీల భర్తీ**
రాష్ట్ర పోలీస్‌, జైళ్ల శాఖ, స్పెషల్ ప్రొటెక్షన్ ఫోర్స్ , అలాగే ఫైర్ (అగ్నిమాపక) విభాగాల్లో ఈ నియామకాలు చేపట్టనున్నట్లు తెలంగాణ సర్కార్ వెల్లడించింది.
*దరఖాస్తు విధానం – ముఖ్యమైన తేదీలు.
*దరఖాస్తుల స్వీకరణ: అభ్యర్థుల నుంచి దరఖాస్తులను కేవలం ఆన్‌లైన్ విధానంలో మాత్రమే స్వీకరిస్తామని అధికారులు స్పష్టం చేశారు.
* ప్రారంభ తేదీ:ఆన్‌లైన్ దరఖాస్తుల ప్రక్రియ ఆగస్టు 19వ తేదీ నుంచి ప్రారంభం కానుంది.
* చివరి తేదీ:సెప్టెంబర్ 9వ తేదీ వరకు దరఖాస్తు చేసుకునేందుకు గడువు విధించారు.
అర్హత, ఆసక్తి ఉన్న అభ్యర్థులు నిర్ణీత గడువులోగా ఆన్‌లైన్ ద్వారా దరఖాస్తు చేసుకోవాలని సంబంధిత అధికారులు సూచించారు. ఖాళీల వివరాలు, విద్యార్హతలు, వయోపరిమితి తదితర పూర్తి సమాచారం కోసం అభ్యర్థులు అధికారిక వెబ్‌సైట్‌ను సందర్శించవచ్చు.
