కులగణనపై సలహాలు, సూచనలు స్వీకరించేందుకు తమ ప్రభుత్వం సిద్ధంగా ఉందని బీసీ సంక్షేమశాఖ మంత్రి పొన్నం ప్రభాకర్ స్పష్టం చేశారు. ప్రభుత్వం చేపట్టిన కులగణనపై రాజకీయ విమర్శలు చేయడం సరికాదని హితవు పలికారు. ఈ విమర్శలను బీసీలపై దాడిగానే చూస్తామని.. కొందరు సర్వేకు సహకరించలేదని చెప్పారు. మాజీ సీఎం కేసీఆర్ కుటుంబం నుంచి కల్వకుంట్ల కవిత ఒక్కరే వివరాలు ఇచ్చారన్నారు. కుల గణన సర్వే వివరాలు పబ్లిక్ డొమైన్లో ఉంచుతామని తెలిపారు. కోడిగుడ్డుపై ఈకలు పీకిన చందంగా బీసీల ఆత్మగౌరవానికి సంబంధించిన విషయంలో కొందరు నేతలు రాజకీయపరమైన దాడి చేయటం ఆపేయాలని హితవు పలికారు.
