టీడీపీ రెండో విడత అభ్యర్థుల జాబితా విడుదల
* ఒక కార్పొరేషన్, 10 మున్సిపాలిటీలు, 4 నగర పంచాయతీలకు అభ్యర్థుల ఖరారు.
అమరావతి, మహా.
ఆంధ్రప్రదేశ్లో పట్టణ స్థానిక సంస్థల ఎన్నికలకు సంబంధించి తెలుగుదేశం పార్టీ (టీడీపీ) రెండో విడత అభ్యర్థుల జాబితాను విడుదల చేసింది. మున్సిపల్ కార్పొరేషన్, మున్సిపాలిటీలు, నగర పంచాయతీల్లో మేయర్, చైర్మన్ పదవులకు పోటీ చేసే అభ్యర్థుల పేర్లను పార్టీ అధిష్ఠానం ఖరారు చేసింది. ఈ విడతలో మొత్తం 15 పట్టణ స్థానిక సంస్థలకు అభ్యర్థులను ప్రకటించింది. ఇందులో ఒక మున్సిపల్ కార్పొరేషన్, 10 మున్సిపాలిటీలు, నాలుగు నగర పంచాయతీలు ఉన్నాయి. మంగళగిరి–తాడేపల్లి మున్సిపల్ కార్పొరేషన్ మేయర్ అభ్యర్థిగా పేరం ఏడుకొండలును టీడీపీ ప్రకటించింది. మున్సిపాలిటీల విషయానికి వస్తే ఆమదాలవలస నుంచి కూన ప్రమీల, తణుకు నుంచి బసవ వీవీఎస్ రామకృష్ణ, పాలకొల్లు నుంచి అబోతుల ఉషారాణి, వైఎస్సార్ తాడిగడప నుంచి పీటా గోపిచంద్, గుడివాడ నుంచి మూరిదు కరుణ పేర్లను ఖరారు చేసింది. అదేవిధంగా నరసరావుపేట నుంచి నాగరసపు రూపేష్ గుప్తా, పొన్నూరు నుంచి కండ్ల విజయలక్ష్మి, కందుకూరు నుంచి పిడికిటి వెంకటేశ్వర్లు, గూడూరు నుంచి చౌటూరి శిరీష, శ్రీకాళహస్తి నుంచి పేట బాలాజీలను చైర్మన్ అభ్యర్థులుగా ప్రకటించింది.
నగర పంచాయతీల్లో చింతలపూడి నుంచి కుంకుం ఎస్తేరు రాణి, పాదిలి నుంచి వారికుంట్ల అనిల్ కుమార్, అల్లూరు నుంచి తోటకూర సునీల్ కుమార్, బి.కొత్తకోట నుంచి కుడుము శ్రీనివాసులును చైర్మన్ అభ్యర్థులుగా ఎంపిక చేసింది. రెండో విడత జాబితాతో పట్టణ ప్రాంతాల్లో ఎన్నికల సన్నాహాలను టీడీపీ మరింత వేగవంతం చేసింది. స్థానిక రాజకీయ పరిస్థితులు, సామాజిక సమీకరణాలు, గెలుపు అవకాశాలను పరిగణనలోకి తీసుకుని అభ్యర్థులను ఖరారు చేసినట్లు పార్టీ వర్గాలు వెల్లడించాయి. మొత్తంగా 15 పట్టణ స్థానిక సంస్థలకు అభ్యర్థులను ప్రకటించడంతో ఆయా ప్రాంతాల్లో రాజకీయ సందడి మొదలైంది.







