సౌదీ అరేబియా సంచలన నిర్ణయం.. బక్రీద్‌ వేళ గోవధపై నిషేధం!

**సౌదీ అరేబియా సంచలన నిర్ణయం.. బక్రీద్‌ వేళ గోవధపై నిషేధం!**
**హిందువుల మనోభావాలకు పెద్దపీట వేసిన అక్కడి ప్రభుత్వం**
**గోమాతకు ‘జాతీయ’ హోదా కల్పించాలని భారత్‌లో ముస్లిం సంఘాల డిమాండ్‌**
**రియాద్/ఢిల్లీ,మహా.**
ఇస్లామిక్ దేశాలకు కేంద్ర బిందువైన సౌదీ అరేబియా బక్రీద్ పండుగ వేళ గోవధపై అత్యంత కీలక నిర్ణయం తీసుకుంది. ప్రతి ఏడాదీ ప్రపంచవ్యాప్తంగా లక్షలాది మంది ముస్లింలు ఎంతో పవిత్రంగా భావించి హాజరయ్యే హజ్ యాత్ర సందర్భంగా ఈ సారి ఒంటెలు, ఆవుల వధను పూర్తిగా నిషేధిస్తూ ఆదేశాలు జారీ చేసింది. ఖుర్బానీ (బలి) కింద కేవలం గొర్రెలను మాత్రమే హలాల్ పద్ధతిలో వధించాలని స్పష్టం చేసింది. ముఖ్యంగా హిందువుల మనోభావాలను గౌరవిస్తూ సౌదీ రాజు ఈ సంచలన నిర్ణయం తీసుకున్నట్లు సమాచారం.
సాధారణంగా బక్రీద్ సందర్భంగా ప్రపంచవ్యాప్తంగా ఉన్న ముస్లింలు సౌదీ అరేబియాలోని మక్కాలో ఉన్న పవిత్ర కాబాను సందర్శించడానికి పోటెత్తుతారు. మగవారు కుట్లు లేని తెల్లటి వస్త్రాలను (ఇహ్రామ్) ధరించి కాబా చుట్టూ ప్రదక్షిణలు చేస్తారు. అక్కడి పవిత్రమైన జంజం జలాన్ని, కాబా సమీపంలోని పవిత్ర నల్లరాతిని దర్శించుకుంటారు. బక్రీద్ సమయంలో కాకుండా సాధారణ రోజుల్లో చేసే ఈ యాత్రను ఉమ్రా అని పిలుస్తారు. కాగా, ఈ ఏడాది హజ్ యాత్ర కోసం ప్రపంచవ్యాప్తంగా సుమారు 15 లక్షల మందికి పైగా ముస్లింలు సౌదీ అరేబియా చేరుకున్నట్లు అక్కడి అధికారులు వెల్లడించారు. బక్రీద్ అనగానే మేకలు, గొర్రెలను బలి ఇవ్వడం ఆనవాయితీ అయినప్పటికీ, కొందరు ఒంటెలు, ఆవులను కూడా బలి ఇస్తుంటారు. ఈ నేపథ్యంలోనే సౌదీ ప్రభుత్వం తాజా నిషేధాజ్ఞలు జారీ చేస్తూ గోవధను అడ్డుకుంది.
**భారత్‌లోనూ గోవధను నిషేధించాలి..**
మరోవైపు, మన దేశంలోనూ గోవధను పూర్తిగా నిషేధించాలంటూ పలు ముస్లిం సంఘాలు అనూహ్యంగా గళమెత్తాయి. ఆవును జాతీయ జంతువుగా ప్రకటించాలని డిమాండ్ చేస్తున్నాయి. ప్రస్తుతం దేశంలో పెద్దపులికి మాత్రమే జాతీయ జంతువు హోదా ఉందని, కానీ గోమాతకు ఎలాంటి అధికారిక గుర్తింపు లేదని వారు గుర్తుచేస్తున్నారు. ఆవుకు జాతీయ హోదా కల్పించడం ద్వారా గోసంరక్షణ చట్టాల్లో దేశవ్యాప్తంగా ఏకరూపత తీసుకురావచ్చని, తద్వారా గోసంరక్షణ పేరుతో కొన్నిచోట్ల జరుగుతున్న హింసకు శాశ్వతంగా అడ్డుకట్ట వేయవచ్చని జమియత్ ఉలేమా-ఏ-హింద్ అధ్యక్షుడు మౌలానా అర్షద్ మదానీ అభిప్రాయపడ్డారు. మదానీ డిమాండ్‌కు భారత మాజీ ఉపరాష్ట్రపతి హమీద్ అన్సారీ సైతం పూర్తి మద్దతు ప్రకటించడం గమనార్హం. ఈ కీలక అంశంపై త్వరలోనే దేశంలోని ప్రధాన ముస్లిం సంఘాలన్నీ ఏకతాటిపైకి వచ్చి, ప్రధానమంత్రి నరేంద్ర మోదీని నేరుగా కలిసి ప్రత్యేక విజ్ఞాపన పత్రాన్ని సమర్పించేందుకు సన్నాహాలు చేస్తున్నాయి.