ఫిబ్రవరి చివర్లో స్థానిక సంస్థల ఎన్నికలు నిర్వహించాలని తెలంగాణ ప్రభుత్వం యోచిస్తున్నట్లు తెలుస్తోంది. ఈనెల 26 నుంచి పలు పథకాల అమలు పూర్తైన వెంటనే ఎన్నికలు నిర్వహించాలని స్థానిక నేతలు ప్రభుత్వాన్ని కోరుతున్నట్లు సమాచారం. అయితే ఎలక్షన్ కోడ్ లోపు పథకాల అమలు పూర్తి కాకపోతే అది ఎన్నికల్లో ప్రతికూల ప్రభావం చూపే ఛాన్సుంది. ఒకవేళ ప్రభుత్వం ఈ కోణంలో ఆలోచిస్తే ఏప్రిల్/మేలో ఎన్నికలు ఉండొచ్చనే టాక్ వినిపిస్తోంది.
ఎన్నికల షెడ్యూల్ ప్రకటన తర్వాత ఎలక్షన్ కోడ్ అమలులోకి వస్తుంది. ఈ సమయంలో కొత్త పథకాల అమలు లేదా అనుమతులు ఇవ్వడం కుదరదు. ఈ కారణంగా కొన్ని కీలక పనులు నిలిచిపోవచ్చు. దీంతో ఎన్నికల షెడ్యూల్ విషయంలో ప్రభుత్వం ఆచితూచి నిర్ణయం తీసుకుంటోంది. ప్రభుత్వం పథకాల పూర్తి అమలు పూర్తికాకపోతే, ఎన్నికలను ఏప్రిల్ లేదా మేకు వాయిదా వేయవచ్చని సమాచారం. ఈ పరిస్థితి ఎదురైతే, అప్పటి వరకు అభివృద్ధి కార్యక్రమాలకు ప్రాధాన్యతనిచ్చే అవకాశం ఉంది.
