ప్రజల నమ్మకానికి నిదర్శనం మోదీ పాలన.
* రాష్ట్రపతి ద్రౌపది ముర్ము ప్రశంస.
ఢిల్లీ, మహా.
ప్రధానమంత్రిగా నరేంద్ర మోదీ సుదీర్ఘంగా 12 ఏళ్ల పాలనను పూర్తి చేసుకున్న సందర్భంగా రాష్ట్రపతి ద్రౌపది ముర్ము ఆయనకు ఘనంగా అభినందనలు తెలిపారు. ఈ సుదీర్ఘ ప్రస్థానం దేశ రాజకీయ చరిత్రలో ఒక ముఖ్యమైన మైలురాయి అని, ప్రధాని నాయకత్వంపై దేశ ప్రజలకు ఉన్న అచంచలమైన నమ్మకానికి ఇది నిదర్శనమని ఆమె కొనియాడారు. మోదీ దార్శనికత, నిరంతర శ్రమ వల్ల దేశం అన్ని రంగాల్లోనూ వేగవంతమైన వృద్ధిని నమోదు చేస్తోందని ఆమె ప్రశంసించారు.
ముఖ్యంగా సామాజిక సంక్షేమ పథకాల అమలులో ప్రధాని చూపుతున్న చొరవను రాష్ట్రపతి ప్రత్యేకంగా ప్రస్తావించారు. పీఎం-జన్మన్ మరియు ధర్తీ ఆబా జనజాతీయ గ్రామ ఉత్కర్ష్ అభియాన్ పథకాలను ఆమె ఎంతగానో అభినందించారు. గిరిజన సమాజం అభివృద్ధిని లక్ష్యంగా చేసుకుని రూపొందించిన ఈ పథకాలు తన హృదయానికి చాలా దగ్గరైనవని రాష్ట్రపతి పేర్కొన్నారు. ఆదివాసీల జీవన ప్రమాణాలను మెరుగుపరచడం కోసం ప్రధాని చేపట్టిన ఈ కార్యక్రమాలు వారి జీవితాల్లో వెలుగులు నింపుతున్నాయని ఆమె సంతోషం వ్యక్తం చేశారు. దేశ సర్వతోముఖాభివృద్ధికి మోదీ నాయకత్వంలో జరుగుతున్న కృషి నిరంతరం కొనసాగాలని ఆమె ఆకాంక్షించారు.
