3,150 వజ్రాలతో విశ్వసుందరి కిరీటం.
• 75 ఏళ్ల చరిత్రకు గుర్తుగా ‘ఎటర్నల్ లెగసీ’.
• నవంబర్ 24న కొత్త విజేతకు అలంకరణ.
• భారత్‌ తరఫున కజియా లిజ్ మెజో.
శాన్‌ జువాన్‌ (ప్యూర్టోరికో), మహా.
ప్రపంచవ్యాప్తంగా అందాల పోటీల్లో ప్రత్యేక గుర్తింపు పొందిన మిస్‌ యూనివర్స్‌ వేడుకలు ఈసారి మరింత ప్రత్యేకతను సంతరించుకోనున్నాయి. ఈ పోటీలు ప్రారంభమై 75 ఏళ్లు పూర్తవుతున్న సందర్భంగా నిర్వాహకులు సరికొత్త కిరీటాన్ని ఆవిష్కరించారు. 18 క్యారెట్ల వైట్‌గోల్డ్‌తో రూపొందించి, ఏకంగా 3,150 వజ్రాలను పొదిగిన ఈ కిరీటానికి ‘ది రేడియన్స్‌ ఆఫ్‌ యాన్‌ ఎటర్నల్ లెగసీ’ (శాశ్వత వారసత్వపు కాంతి) అని నామకరణం చేశారు. నవంబర్ 24న ప్యూర్టోరికోలో జరిగే 75వ మిస్‌ యూనివర్స్‌ తుది పోటీల్లో విజేతగా నిలిచే అందాల భామకు ఈ అపురూప కిరీటాన్ని అలంకరించనున్నారు.
గతం, వర్తమానం, భవిష్యత్తుకు ప్రతీకలు
ప్రఖ్యాత ఆభరణాల రూపకర్త జార్జ్‌ విటెల్స్‌, మైసన్‌ డిఓఆర్‌ సంస్థల సహకారంతో ఈ ప్రత్యేక కిరీటాన్ని తీర్చిదిద్దారు. ఇందులోని మూడు ప్రధాన వజ్రాలు మిస్‌ యూనివర్స్‌ ప్రస్థానంలోని గతం, వర్తమానం, భవిష్యత్తుకు ప్రతీకలుగా నిలుస్తాయని నిర్వాహకులు వెల్లడించారు. ఎడమవైపు ఉన్న వజ్రం గత 75 ఏళ్లలో ఎన్నో అడ్డంకులను అధిగమించి మహిళలకు మార్గదర్శకంగా నిలిచిన విజేతలకు గుర్తుగా రూపొందించగా, కుడివైపు వజ్రం సమాజంలో మార్పు కోసం కృషి చేస్తున్న మహిళల సేవలను ప్రతిబింబిస్తుంది. మధ్యలో సంస్థ చిహ్నమైన నక్షత్రం కింద అమర్చిన అతిపెద్ద వజ్రం భవిష్యత్తులో ఈ వారసత్వాన్ని కొనసాగించే మహిళలకు ప్రతీకగా నిలుస్తుంది. కిరీటం వెనుక భాగంలో వజ్రాలతో 75 సంఖ్యను రూపొందించడం ప్రత్యేక ఆకర్షణగా మారింది.
నవంబర్ 24న తుది పోటీలు
ఈ ఏడాది 75వ వార్షికోత్సవ మిస్‌ యూనివర్స్‌ పోటీలకు ప్యూర్టోరికో ఆతిథ్యమిస్తోంది. శాన్‌ జువాన్‌లోని జోస్‌ మిగ్యుల్‌ అగ్రెలోట్‌ కొలిసియంలో నవంబర్ 24న గ్రాండ్ ఫినాలే జరగనుంది. అంతకుముందు నవంబర్ 21న జాతీయ వస్త్రధారణ ప్రదర్శన, 22న ప్రాథమిక పోటీలు నిర్వహించనున్నారు. ప్రపంచవ్యాప్తంగా వివిధ దేశాలకు చెందిన అందాల భామలు ఇప్పటికే పోటీల కోసం ప్యూర్టోరికోకు చేరుకుంటుండగా, ఈసారి 120 మందికిపైగా ప్రతినిధులు పోటీపడే అవకాశం ఉంది.
పలు దేశాల ప్రతినిధులు దూరం
మరోవైపు ఈ ఏడాది పోటీలకు పలు దేశాల ప్రతినిధులు దూరమవడం చర్చనీయాంశంగా మారింది. ఆరోగ్య సమస్యలు, వ్యక్తిగత కారణాలు, వీసా ఆంక్షలు, ఫ్రాంచైజీ ఒప్పందాల వివాదాలు ఇందుకు ప్రధాన కారణాలుగా నిలిచాయి. ఆస్ట్రియా ప్రతినిధి విక్టోరియా అమర్సన్ వ్యక్తిగత, ఆరోగ్య కారణాలతో తప్పుకోగా, బల్గేరియా ప్రతినిధి అనా మరియా బబావ్ కారు ప్రమాదంలో గాయపడటంతో పోటీలకు దూరమయ్యారు. అలాగే థాయ్‌లాండ్‌, వియత్నాం, లావోస్‌, సింగపూర్‌, ఇండోనేషియా, మలేషియా వంటి దేశాల విషయంలో ఫ్రాంచైజీ ఒప్పందాల వివాదాలు తెరపైకి వచ్చాయి.
వీసా సమస్యలతో ఆఫ్రికా దేశాలకు ఇబ్బందులు
అమెరికా వీసా, ప్రయాణ ఆంక్షల కారణంగా జాంబియా, రిపబ్లిక్‌ ఆఫ్‌ కాంగో దేశాల ప్రతినిధులు పోటీలకు హాజరుకాలేని పరిస్థితి ఏర్పడింది. జింబాబ్వే, దక్షిణ సూడాన్‌, నేపాల్‌ సహా మరికొన్ని దేశాల ప్రతినిధుల ప్రయాణంపై కూడా అనిశ్చితి నెలకొనడంతో మొత్తం 15 నుంచి 17 దేశాల వరకు ఈసారి పోటీకి దూరమయ్యే అవకాశాలు కనిపిస్తున్నాయి.
భారత్‌ తరఫున కజియా లిజ్ మెజో
ఈ అంతర్జాతీయ అందాల వేదికపై భారత్‌ తరఫున కేరళకు చెందిన కజియా లిజ్ మెజో ప్రాతినిధ్యం వహిస్తున్నారు. మిస్‌ యూనివర్స్‌ ఇండియా 2026 విజేతగా నిలిచిన ఆమె ప్రస్తుతం ప్యూర్టోరికోలో జరుగుతున్న సన్నాహక కార్యక్రమాల్లో ఉత్సాహంగా పాల్గొంటున్నారు. వజ్రోత్సవ వేడుకల నేపథ్యంలో 3,150 వజ్రాలతో రూపొందించిన సరికొత్త కిరీటాన్ని ఏ దేశ సుందరి సొంతం చేసుకుంటుందన్న దానిపై సర్వత్రా ఆసక్తి నెలకొంది.
• 75 ఏళ్ల చరిత్రకు గుర్తుగా ‘ఎటర్నల్ లెగసీ’.
• నవంబర్ 24న కొత్త విజేతకు అలంకరణ.
• భారత్‌ తరఫున కజియా లిజ్ మెజో.
శాన్‌ జువాన్‌ (ప్యూర్టోరికో), మహా.
ప్రపంచవ్యాప్తంగా అందాల పోటీల్లో ప్రత్యేక గుర్తింపు పొందిన మిస్‌ యూనివర్స్‌ వేడుకలు ఈసారి మరింత ప్రత్యేకతను సంతరించుకోనున్నాయి. ఈ పోటీలు ప్రారంభమై 75 ఏళ్లు పూర్తవుతున్న సందర్భంగా నిర్వాహకులు సరికొత్త కిరీటాన్ని ఆవిష్కరించారు. 18 క్యారెట్ల వైట్‌గోల్డ్‌తో రూపొందించి, ఏకంగా 3,150 వజ్రాలను పొదిగిన ఈ కిరీటానికి ‘ది రేడియన్స్‌ ఆఫ్‌ యాన్‌ ఎటర్నల్ లెగసీ’ (శాశ్వత వారసత్వపు కాంతి) అని నామకరణం చేశారు. నవంబర్ 24న ప్యూర్టోరికోలో జరిగే 75వ మిస్‌ యూనివర్స్‌ తుది పోటీల్లో విజేతగా నిలిచే అందాల భామకు ఈ అపురూప కిరీటాన్ని అలంకరించనున్నారు.
గతం, వర్తమానం, భవిష్యత్తుకు ప్రతీకలు
ప్రఖ్యాత ఆభరణాల రూపకర్త జార్జ్‌ విటెల్స్‌, మైసన్‌ డిఓఆర్‌ సంస్థల సహకారంతో ఈ ప్రత్యేక కిరీటాన్ని తీర్చిదిద్దారు. ఇందులోని మూడు ప్రధాన వజ్రాలు మిస్‌ యూనివర్స్‌ ప్రస్థానంలోని గతం, వర్తమానం, భవిష్యత్తుకు ప్రతీకలుగా నిలుస్తాయని నిర్వాహకులు వెల్లడించారు. ఎడమవైపు ఉన్న వజ్రం గత 75 ఏళ్లలో ఎన్నో అడ్డంకులను అధిగమించి మహిళలకు మార్గదర్శకంగా నిలిచిన విజేతలకు గుర్తుగా రూపొందించగా, కుడివైపు వజ్రం సమాజంలో మార్పు కోసం కృషి చేస్తున్న మహిళల సేవలను ప్రతిబింబిస్తుంది. మధ్యలో సంస్థ చిహ్నమైన నక్షత్రం కింద అమర్చిన అతిపెద్ద వజ్రం భవిష్యత్తులో ఈ వారసత్వాన్ని కొనసాగించే మహిళలకు ప్రతీకగా నిలుస్తుంది. కిరీటం వెనుక భాగంలో వజ్రాలతో 75 సంఖ్యను రూపొందించడం ప్రత్యేక ఆకర్షణగా మారింది.
నవంబర్ 24న తుది పోటీలు
ఈ ఏడాది 75వ వార్షికోత్సవ మిస్‌ యూనివర్స్‌ పోటీలకు ప్యూర్టోరికో ఆతిథ్యమిస్తోంది. శాన్‌ జువాన్‌లోని జోస్‌ మిగ్యుల్‌ అగ్రెలోట్‌ కొలిసియంలో నవంబర్ 24న గ్రాండ్ ఫినాలే జరగనుంది. అంతకుముందు నవంబర్ 21న జాతీయ వస్త్రధారణ ప్రదర్శన, 22న ప్రాథమిక పోటీలు నిర్వహించనున్నారు. ప్రపంచవ్యాప్తంగా వివిధ దేశాలకు చెందిన అందాల భామలు ఇప్పటికే పోటీల కోసం ప్యూర్టోరికోకు చేరుకుంటుండగా, ఈసారి 120 మందికిపైగా ప్రతినిధులు పోటీపడే అవకాశం ఉంది.
పలు దేశాల ప్రతినిధులు దూరం
మరోవైపు ఈ ఏడాది పోటీలకు పలు దేశాల ప్రతినిధులు దూరమవడం చర్చనీయాంశంగా మారింది. ఆరోగ్య సమస్యలు, వ్యక్తిగత కారణాలు, వీసా ఆంక్షలు, ఫ్రాంచైజీ ఒప్పందాల వివాదాలు ఇందుకు ప్రధాన కారణాలుగా నిలిచాయి. ఆస్ట్రియా ప్రతినిధి విక్టోరియా అమర్సన్ వ్యక్తిగత, ఆరోగ్య కారణాలతో తప్పుకోగా, బల్గేరియా ప్రతినిధి అనా మరియా బబావ్ కారు ప్రమాదంలో గాయపడటంతో పోటీలకు దూరమయ్యారు. అలాగే థాయ్‌లాండ్‌, వియత్నాం, లావోస్‌, సింగపూర్‌, ఇండోనేషియా, మలేషియా వంటి దేశాల విషయంలో ఫ్రాంచైజీ ఒప్పందాల వివాదాలు తెరపైకి వచ్చాయి.
వీసా సమస్యలతో ఆఫ్రికా దేశాలకు ఇబ్బందులు
అమెరికా వీసా, ప్రయాణ ఆంక్షల కారణంగా జాంబియా, రిపబ్లిక్‌ ఆఫ్‌ కాంగో దేశాల ప్రతినిధులు పోటీలకు హాజరుకాలేని పరిస్థితి ఏర్పడింది. జింబాబ్వే, దక్షిణ సూడాన్‌, నేపాల్‌ సహా మరికొన్ని దేశాల ప్రతినిధుల ప్రయాణంపై కూడా అనిశ్చితి నెలకొనడంతో మొత్తం 15 నుంచి 17 దేశాల వరకు ఈసారి పోటీకి దూరమయ్యే అవకాశాలు కనిపిస్తున్నాయి.
భారత్‌ తరఫున కజియా లిజ్ మెజో
ఈ అంతర్జాతీయ అందాల వేదికపై భారత్‌ తరఫున కేరళకు చెందిన కజియా లిజ్ మెజో ప్రాతినిధ్యం వహిస్తున్నారు. మిస్‌ యూనివర్స్‌ ఇండియా 2026 విజేతగా నిలిచిన ఆమె ప్రస్తుతం ప్యూర్టోరికోలో జరుగుతున్న సన్నాహక కార్యక్రమాల్లో ఉత్సాహంగా పాల్గొంటున్నారు. వజ్రోత్సవ వేడుకల నేపథ్యంలో 3,150 వజ్రాలతో రూపొందించిన సరికొత్త కిరీటాన్ని ఏ దేశ సుందరి సొంతం చేసుకుంటుందన్న దానిపై సర్వత్రా ఆసక్తి నెలకొంది.
